Tuulikki Abraham
Luderitz - Ekopi loHarders olo la hovelelwe okudanwa oshikando sh tete mondjokonona modula 2017, odula yoneudo otali danwa mehuliloshivike twa finda.
Eespana di li heyali domoLüderitz, naimwe yokoAus okwa teelelwa tadi ke likwata mokapale komaudano moLüderitz moku kakondjela okapandi keeN$100 000 nekopi.
Ovadanitanga vomeespana odo tadi ka kufa ombinga, ove li ve litula mo mokulideula, nomalongekido aeshe oku li kolutenda. Eespana odo tadi ka kufa ombinga oda mbedekwa nale oikutu ipe oyo tava ka danifa mefiyafano lekopi eli. Omuuunganeki wekopi loHarders Tim Ekandjo okwa tumbula kutya ehuliloshivike olo twa finda otali ka kala ehuliloshivike lomalihafifo modoolopa ei yokomunghulofuta. Ta ti ekopi loHarders odula yoneudo otali danwa oshikando oshititatu tali ka danwa okuhovela mo30- 31 March 2019 pokapale komaudano moLuderitz.
Okwa tumbula kutya ovashikingalo va yooloka okudja meni loshilongo nokondje yoshilongo otave ke uya okushambula ovakalimo vomodoolopa oshali shamuhongi.
Eespana edi tadi ka kufa ombinga odo da dja mo Luderitz odo Atlanta Bucs FC, Youngsters FC, Rush Ups FC, Diamond City FC, Man United FC, Novanam FC, Atlantic City FC) nospana oyo yo poushiinda ko Aus yedina Aus United FC.
Ospana ei tai ke uya ponhomola yotete otai ka mona ekopi neeN$100 000, onhivali otai ka ya nokapandi N$50,000 nospana oyo tai ke uya ponhomola onhinhatu otai ka pandulwa N$20,000. Ou ta ka tula mo eekoola dihapu ota ka pupulwa kombuda nokapandi N$10,000.
Elandulafano loudano oli li ngaha:
Atlanta Bucs FC vs Diamond City FC
Novanam FC vs Man United FC
Youngsters FC vs Atlantic Stars FC
Rush Ups FC vs Aus United FC
Pefimbo louloudano woHarders Cup, ovashikingalo tava shikula otava ka shambula aveshe ovo tave ke uya koudano; Top Cherie, Lioness, Mr Green, KP Illest, Tate Buti, Oteya, Gazza, Cassper Nyovest novashikingalo vomodoolopa navo ottava ka waimina ovashikingalo vakwao.
Odula yoneudo oudano owafanekelwa poshimaliwa sheemiliona N$1,3.
Odula 2019 Harders Cup, oya mona oshimaliwa okudja komahangano ngaashi Standard Bank, Seaflower, Telecom Namibia, Tafel Lager, Debmarine, CSS Tactical Security, Profile Investments, John Endjala Investments, Namibia Sports Commission, Erongo Marine Enterprises, Coca Cola, Namcor, Naftal Trading, Metropolitan/Swabou, Namport and Luderitz Waterfront Development Company .