Lasarus Hakwaake

Omudani dingi waTogo Emmanuel Adebayor okwe li kaleka kokule noikwa maudano etanga lokeemhadi muAfrica ta ti moshimhungu omo kamu na ouyuki.

Adebayor okwa ti okwa fimaneka ashike oshilongo shaye Togo. Ashike ngeenge ve mu ifana koshitufi shina sha nehangano letanga lokeemhadi muAfrica ita i ko omolwa ovawiliki vehangano olo.

Okwa twikila noku pula kutya osha enda ngahelipi opo Sadio Mane a kale a findanapo epapa lomudani dingi muAfrica ngeenge iha danene muAfrica, ta faafanifa naLionel Messi kutya ke na epapa limwe a findana menenedu laye shaashi ha mo a danene etanga. Okwati monghalamwenyo yaye yoku dana etanga  okwa mona ovadani vahapu menenedu Europa, ovo va dana etanga shili ndele nomoAmerica omo vali ashike inava ya nomomusholondodo wovahoololwa. Ashike muAfrica, oto hange omunhu hadanene muEuropa mo omo a kala ndele oye ta findanapo epapa lomudani dingi, oha sheened ngahelipi? Adebayor ta pula.

Odebayor okwa ti ava ihava danene muAfrica nava mone omapapa kehanganono lopaiwana letanga mounyuni.
“Ina tu tala kenenedu oku vayambukile shaashi osho oshilonga shavo muBrazil Neymar ita dulu a findanepo epapa lomudani dingi moshikako shoudano muBrazil ashike ota dulu oku findanapo epapa lomudani dingi kodula waBrazil. Ngeenge ova kwatele kumwe oilongo oyo ili menenedu olo ndele tai ningi Neymar omudani dingi, ovadani ava lela hava danene menenedu otava ningwa ngahelipi?” Adebayo ta pula.
 Odebayor okwa ti ngeenge ehangano loCAF (Confederation of African Football) olili le po okatanga kokeemhadi muAfrica, osha enda ngahelipi opo Salah naMane va findane ngeenge oveli pondje. Okwa ti epapa olo lovadani ava veli muAfrica, ita li dulu oku pewa ava veli kondje yenenedu.