ONGWEDIVA  - Hendrik Shaanika a tseyika wo nedhina Chabby ngoka kwa lopotwa ohela koshikundaneki shika kutya okwa hulitha oku li moshipangelo nonkalo ye oyi li hwepo.
Ndhoka odha kolekwa kugumwe gomaakwanezimo ye, ta ti nonande moshipangelo ina lalekwa mo natango, ota etitha oonkondo kutya nota ti po hwepo.

“Out shi okupandula Pamba sigo opethimbo ndika. Oomweenyo dhookuume ke –Iipuleni Elias (a tseyika nawa Kippy) na Herman Tangeni Jason, (a tseyika nedhina Bickile) nadhi vululukwe nombili,” omukwanezimo ta popi ngaaka.
Shaanika okwa li a hupu moshiponga shohauto shoka sha li sha ningwa koongulasha dhOsoondaha ya zi ko mepandanda enene lyaShakati, sho ohauto Toyota Bakkie ndjoka ya li muyo, ya idhenge mumwe omutse nomutse noPolo Vivo.