Victoria Kaapanda

ONGWEDIVA-Aakiintu yena ombutu yoHiv/Aids oye na ompito onene oku kwatwa komukithi gwonkela koshivalelo. Dhoka odha popiwa komupangi elile komeho opolongalama yokuminikila omukithi gokankela kiivalelo yomeme Samuel Muzanima, Etine mOshipangelo oshinene shaShakati.
Muzanima okwa ti momwalu gwaakiintu yena ombutu yoHiv /Aids ye li omulongo taya konakonwa okankela yo koshivalelo, aluhe omuna oku za gumwe amonika ena okankela, ihe oopelenta 90 ohaya mono epango ethimbo ndyoka.
“Omukithi gwokaankela yokoshivalelo ogu li pombanda okudhipaga omeme muuyuni awihe. Okaankela ndyoka ohayi etwa unene koongaga hadhi kala koshivalelo okupitila momilalo. Akiintu naya thike piipangelo yi li popepi nayo opo ya minikilgwe kuyele yo yamone epango,” Muzanima a popi ngaaka.
Muzanima okwa ti okukelela oku vule okupanga. Ta ti oshili mondjila ngele omadhidhiliko go petameko gamonika mbala opo ya pewe omiti dho kukelela okaankela nenge yi tsikilie.
Ta ti nonando aakiintu yeli mepipi 20-49 oyo oshihakanwa shokankela yo koshivalelo, natango mboka yena oomvula dha pita 50 oya manguluka okuminikilwa.
Oprograma ndjika oya pitithwa kiipangelo yepangelo yi li 37,  momvula ta yi ya otaya ka taandelitha oprograma ndyoka si go okiipangelo yi li 53  moshilongo ashihe, opo kehe gumwe a kale amona ompito yokukelela nenge yokupangwa.
Oshitopolwa shaShana  osho shina aakiintu ya iikonakonitha nomwalu guli pombanda, ye li 235 ihe oya mono epango. Nonando oprograma oya li ya pitithwa ashike omvula ya zi ko oku za muMalitsa.
Ambasanda gwaAmerica Lisa Johnson okwa li afatulula kutya okuminikilwa okoshali, kapena nando ofutu yasha miipangelo ayihe.
 Ngoka ina monika okankela nakale ha konakonwa aluhe konima yoomvula ntano. 
“Okuminikila nokututswa kokankela yokoshivalelo shomeme, oshipu nohashi kwata ashike omunute gumwe  okumona omayamukulo goye, nuunene ohagu pangwa eto eluka,” Johnson a popi ngaaka.
Okwa li aakumagidha aakiintu ayehe naya kale ya thika poshipangelo shaShakati Omandaha, Etitatu nEtine lyoshiwike tashiya opo yaminikilwe kiivalelo.