New Era Newspaper

MTC Shares
Icon Collap
...
Home / Kansela waNiipa a kwafa kovakainhu ve na oulema womesho

Kansela waNiipa a kwafa kovakainhu ve na oulema womesho

2021-07-26  Festus Hamalwa

Kansela waNiipa a kwafa kovakainhu ve na oulema womesho
Top of a Page

Kansela woshikandjohoololo shaNiipa Tulipohamba Nuunyango okwa yandja omakwafo kongudu yovakainhu ve na oulema womesho ovo veli ovakalimo vomomukunda Oniihandhi.

Ongudu ya pewa omakwafo ohai ifanwa Ileni Mutale Oilema tai longo, i li mendiki lili momukunda Oniihandhi, omo muna ovakainhu veli 15 aveshe ve na oulema womesho. Ovakainhu ava ohava longo oilonga yokeenyala ngaashi oku tunga oimbale, nomalilo.

Kansela Nuunyango okwa ti ombelewa yaye ka ina okatongo, notai kwashipaleke kutya ovanhu aveshe veli momhumbwe ova pewa omakwafo.

Nuunyango okwa ti ombelewa yaye oya kala nokumona eelopota kombinga yovakainhu ava kutya ovena omhumbwe yoikulya, onghee okwa ti okwa kufa etokolo opo aka landele ovaikainhu ava oikulya, eefewa, oshivelelwa nosho tuu oikwafifo ikwao.

“Eshi ka shishi oshikando shotete oku yandja omakwafo kendiki eli lina ovakainhu vena oulema womesho. Natango okwa li nda yandja oikulya kovakainhu ava shaashi inandi hala okuuda kutya ovanhu ava otava fi ondjala. 

“Onghee hano oshi li oshinakuwanifa shange onga kansela woshikandjohoololo opo ndi kale nda ya kula oshiwana,” Nuunyango ta ti.

Kansela okwa ti ovakainhu ava ohava longo oilonga ya fimana eshi hava tungu oimbale yavo yokulandifa opo va taataye po oluhepo, onghee okwa ti kutya oshapumba oku mona omunhu eena omesho ashike
ota longo oilonga yaye ngaashi ovanhu aveshe.

Lo pokati opo kansela Nuunyango natango okwa yandja omaadi okuvava kovanhu veli 20 vena oulema woshipa hava di moshikandjohoololo shaye.

“Ovanyasha nava kufe ko oshihopaenenwa kovakainhu ava tave lilongelo oshimaliwa shavo veena omesho, omanga ovanyasha ovo ve na omesho ndele ina va hala oku lilongela vo vena.

“Onghee ovanyasha omwa pumbwa okukala ta mu longifa ounongo weni opo mu dule oku shakeneke epangelo ondjilakati,” Nuunyango ta ti.

Okwa ti oshiwana nashi kwatafane nombelewa yaye ngeenge shi li moupyakadi.


2021-07-26  Festus Hamalwa

Share on social media
Bottom of a page