Victoria Kaapanda

OUTAPI - Oshipangelo shopawumwene shedhina Medipark osha patulula oshitayi oshipe mondoolopa yOutapi moshitopolwa shaMusati oshiwike sha zi ko.

Omukomeho gwoshipangelo shaMedipark Dr Tshali Iithete okwa li a popi ta ti osha li she ya pula oomvula mbali okudhiladhila nkene ye na okueta po ehala lyuuhaku moshitopolwa shaMusati opamwe nomukuluntu gwuuhaku oshitopolwa shaMusati  Alfons Amoomo.

Iithete ta ti oshitayi shoshipangelo shoka sha li sha  patululwa oshiwike sha zi ko otashi kala shi na aaniilonga mboka taya kwathele, osho wo oondohotolota ndhoka dha popyoka nawa mokupanga omikithi dha yooloka.
“Ngele ope na omunuumvu e li monkalo ombwiinayi na ita vulu okupewa ekwatho pOshipangelo shetu shomOutapi ota vulu okukwathelwa, moshipangelo oshinene shepangelo shaOutapi koondohotola ndhoka dha pyokoka nawa, nenge ya tumwe koshipangelo shetu oshinene sha Medipark mOngwediva,” Iithete ta ti ngaaka.

Oshipangelo shopawumwene shoMedipark, osha li sha tungu uukumwe newuvathano pokati kawo nuuministeli wundjolowele nonkalonawa mo 2015, opo ya ikwathele momakwatho agehe ge na sha nuuhaku nosho tuu. 

Ta gwedha po ta ti oshitayi shuuhaku shoka osha li sha thanekwa shi tulwe mondoolopa yaOutapi oshoka mOshitopolwa shaMusati omu na aakwashigwana oyendji, oshowo oshi li popepi noongamba dhoshilongoshiinda Angola
Iithete ta ti Outapi ow ali wo wa ndhidhilikwa kutya owa kala noku shi enditha nawa momashingithilo konimia yoomvula heyali dha piti.

“Ehumokomeho oshinakugwanithwa shetu atuheni, sho osho nee oshipangelo shetu shi na ohokwe okukwathela epangelo okukwatel apo uundjolowele oshowo oompumbwe tadhi pumbiwa kuuministeli wuundjolowele nonkalonawa”. Osho Ithete ta yelitha ngaaka.

Hugunina okwa li a popi ta ti shoka sha li she ya gongalitha siku ndyoka, okuhumitha komeho omidhi dhundjolowele opo Aanamibia mboka ya pyokokaa nawa miimpungu yuuhaku ya yooloka, ya tunge oshilongo shino nokushi kwatela po monakuyiwa.