EENHANA- Commissioner Ottilie Kashuupulwa oo a ulikwa onghela ongondjayi yopolifi mOhangwena okwa ti ota ka longela kumwe noshiwana mokulwifa oimbuluma.

Kashuupulwa edi okwe di popya moshipopiwa shaye pefimbo lenangeko laye moilonga mEenhana.

Komufala ou mupe okwa pingena po Elizabeth Sibolile ou a ya mopendjela oshivike sha dja ko.

“Ohandi ka kala handi yi momikunda nokuninga omitumba novakwashiwana nghene tu na okulwifa oimbuluma moshitukulwa,” ta ti. Okwa ti ombelelewa yaye oya manguluka okukala ya pewa omayele okudilila moshiwana kombinga yomikalo diwa mokulongifwa okulwifa oimbuluma. Okwa ti otaka longela kumwe nomalelo opamufyuululwakalo nosho yo ovakwashiwana aveshe mokukondjifa oimbuluma moshitukulwa shaHangwena.

Moshopipiwa omupedu kakukutu wopolifi Elias Mutota okwa kumaida ovanambelewa vopolifi opo va kale tava yakula nawa oshiwana koitaashi.

“Ovanambelewa vopolifi nava ulike oshihopaenenwa shiwa moshiwana nokulikelela okulongifa oulingilingi,” ta ti.

fhamalwa@nepc.com.na