Okaana keedula nhano vati oka kwatwa onghonga komulumenhu weedula 38, omunahambo womeumbo lavo.
Oshiningwanima osha ningwa mexuliloshivike komukunda Onaanda moshikandjohoololo Elim mOmusati efimbo lomutenya. Omukulunhu koshikondo shokukonakona oimbuluma wopolifi moshitukulwa shaMusati omupedu Commissioner Moses Simaho okwa hokolola ta ti omufekelwa okwa li tava lifa oimuna nokaana.
Okudja opo okwa dula okaana oikutu ndele te ka longele omunyonena wopaixulo. Omufekelwa okwa kwatwa po nota pangulilwa oshibofa shekwatonghonga.
Okwa didilikwa ounona va ninga oihakanwa yokukwatwa onghonga ngeenge ve li novalumenhu momaumbo, omanga ounona vamwe ova ninga oihakanwa yokukwatwa onghonga kovapambele vavo. Onghee opolifi oya kumaida ovadali opo va kale va kotokela ounona vavo noshoyo okuxulifa po okufiya ounona voukadona ve li movalumenhu momaumbo. -fhamalwa@nepc.com.na