Omaso gomeya onga taga tsikile okuholoka nonando kali shi ethimbo lyomvula, sho omilonga hadhi kala dhuudha omeya.

Olutu lwokanona komimvo hetatu Emvula David okwa li lwiitsuwa mondombehomeya.

Omukuluntu gwopolosi moshitopolwa shaMusati Moses Simaho okwa ti, oshiningwanima shoka osha holoka momukunda Oshikwiyu moshikandjohogololo sha Tamanzi. Otaku hokololwa  kutya David okwa li a ihulwa megumbo mOlomakaya no lutu kwali okwa li lwa monika Omandaaha.

Simaho okwa gwedha po ta ti aakuluntu naya kumagidhe aanona, kwaashoka ye na oku iyanda kusho, oshowo okwaadhana omeya.

Otaku hokololwa kutya okanona hoka okakala nokukongwa ihe aakuluntu okwa li ya huulile muunyengwi.

Opolisi natango oya kumagidha aanona yosikola ya kale taya uukilile komagumbo konima osikola ya zimo.

“Aakuluntu naya kale ye na oshisho uuna aalongwa inaaya thika komagumbo kuyele, konima yosikola ya pita mo, opo ya kale ye shi mpoka pe na aanona yawo,” tayi ti ngaaka.

Tayi ti, aanona oya pumbwa okukumagidhwa omanga omvula inaayi tameka okuloka. 

“Longeni aanona kutya omeya ihaga dhanwa oga nika oshiponga,” ya popi ngaaka.

Oya kumagidha wo natango aakuluntu mboka haya zi koondingosho ye li kohi yiikolitha pethimbo lyomeya haga kala ga talama miishana, kaayeshi ninge.

– vkaapanda@nepc.com.na