Ngoloneya gwaShana Elia Irimari okwa ti, okakakomitiye melongelo kumwe nelelo lyondolopa yaShakati oye li metifa okulongekidha oshowo okuopaleka okapale koIndepence moShakati.
Okapale hoka otaka opalekwa oshowo okuningululwa omolwa ekopi lyoshifokundaneki The Namibian ndyoka tali ka kala ko momasiku 26 sigo 29 gaAguste nuumvo. Ekopi ndyoka ota li ka kondjelwa koosipana ndha yooloka, okuza kombinga adhihe doshilongo nomaudhano ga yoolka otaga ka kutha ombinga, okuza ketanga lyokoompandhi, etanga lyomokambamba no sho tuu. Irimari okwa li a fataulula ngaaka esiku kwali ta fatulule aatolinkundana kombinga yelongekidho lyomaudhano ngoka.
“Omaudhana ngoka okwa li ga kalekwa mo2020 omowa omukithi gwoCorona ngoka kwa li gwa geya pethimbo ndjoka, no mangundumano okwa li ga kalekwa,” ta fatulula ngaaka.
Ta ti, omaudhano ngoka otaga ka dhanwa kohi yoshipalanyolo “Okuxwaxwameka nokukalekapo omaudhano”.
“Uundhano mboka itau ka eta ashike enyanyu lyomaudhano modhano moshitopolwa,, itau ka taandelitha eliko lyoshimaliwa , pmukalo gokulanditha,”ta ti ngaaka. Ngoloneya okwa popi kutya natango otaya ka opaleka wo natango okapale ko kudhanena etanga lyomokambamba, uundjugo oshowo komambambiliyuna oshowo momihandjo moka tamu ka kala aadhani.
“Otandi indile aanangeshefa oshowo kehe ngoka ta vulu okuyambindhindh mpoka ta tu ka huulila, okugwanitha po oombumbwe ndhimmwe ndhokapale,’ta ondile ngaaka.
Nonando pena omahangano galwe ga yambindhindha uudhano mboka, ombanga yoStandard bank oya tothwamo onga omuyambindhindhi omunene. Omunambelewa muuministeli waanyasha nomaudhano Thoini Kasheeta okwa ti , ita vulu okukoleka kutya okapale otaka adhika kjapwa okulongwa omanga esiku ndyoka inaali thikana, ihe okatameka okulongwa.
“Aaniilonga omo ye li taya longo, oyo taya vulu oku gandja uuyelele kutya otaya kwata ethimbo lithike peni,’ta popi ngaaka.
Omutoolinkundana nguka sho kwa li a ningi omapekapeko kokapale, okwa li aadha aanilonga ya ipyakindhila nongwena yokapale.
“Konima yiiwike iyali ongwena ndjika oya tsamukanale, ihayi kala po okukoka,” omuniilonga gumwe ta popi ngaaka.
Ta popi kutya Aguste sho taka thika, ongwena oya ziza ayihe, nomalambo ngoka geli po itaga ka kalapo.