New Era Newspaper

MTC Shares 2
Icon Collap
...
Home / Olutu lwa itsuwa mopate

Olutu lwa itsuwa mopate

2020-12-04  Victoria Kaapanda

Olutu lwa itsuwa mopate
Top of a Page

Opolisi moshitopolwa shaMusati, oy i li molukongo lwaangoka a pumu omunamumvo 38 nokusa momukunda Iiyale.
Omukuluntu gwopolisi moshitopolwa shaMusati Titus Shikongo okwa ti, oshiningwanima shoka otaku  fekelwa sha holoka mokati kuusiku wEtiyali nenge koongulasha dhEtitatu.

“Olutu lwomulumentu ngoka okwa li lwa monika ongula yEtitatu pooha dhopate, pokati kOshikuku naElim. Omulumentu ngoka okwa li a pumwa kohauto omanga kwa li ta ende,” Shikongo ta ti ngaaka.
Otaku hokololwa kutya ohauto ndjoka kayi shiwike naangoka a li te yi hingi ina tseyika. Nakuhinga ka li a kankama konima a pumu omulumentu ngoka.

Gumwe gwomaakwanezimo yanakusa moonkundathana naKundana okwa ti, sigo onena kape na uuyelele kutya omulumentu ngoka okwa pumwa kulye.
“Otatu indile moshigwana ngoka e na uuyelele kombinga yoshiningwanima shoka, a lopotele opolisi yi li popepi naye, nenge a ilopote ye mwene,” Shikongo a popi ngaaka.
Nakusa okwa tseyika nendhina immanuel Indongo a yambukile momukunda Onkani moshikandjohogololo shaTamanzi.


2020-12-04  Victoria Kaapanda

Tags: Khomas
Share on social media
Bottom of a page