Ompilameno moIvory Coast otayi toto epengelo lyopakathimbo konima sho ya li ya iteka okukutha ombinga momahogololo gopaupresidente mOlyomakaya omolwa etokolo lyaPresidente Allasane Ouattara a li a tokola okuthikama oshikando oshititatu. Shimwe shomiinakugwanithwa yepangelo lyopakathimbo okuunganeka omahogololo ge li pawuyuuki nogoshili mwa kwatelwa ngoka gopaupresidente, osho omuleli gwompilamena Pascal Affi N’Guessan a ti ngaaka.
Ta ti ongongahangano yepangelo lyopakathimbo oya totwa notayi ka ulika epangelo lyopakathimbo ndyoka tali ka kwatelwa komeho kuHenri Konan Bédié, ngoka oye e li omutse gwongundu yoDemocratic Party moIvory Coast.
“Okukaleka Ouattara koshipundi otashi vulu oku eta iita yopashigwana,” N’Guessan ta ti ngaaka. Ongundu tayi pangele oya li ya takelwe ompilameno yaa kambadhale oku eta omakuyunguto moshilongo.
Aantu ya adha pomugoyi oya li ya dhipagwa miikolokosha pethimbo lyomahogololo sho aahololimadhilaadhilo yompilamena ya li taya ningi onkambadhala okukeelela aantu kaaya hogolole. 
–BBC