Festus Hamalwa 

Omulumenhu weedula 29, okwa fya eshi a tuwa nombele komukainhu wambulavo mexuliloshivike.

Oshiningwanima eshi osha ningilwa moRehoboth, moshitukulwa shaHardap mOlomakaya lopotundi 03h00 yokeengula. Opolifi oya hokolola kutya nakufya okwa li ta kendabala okuya pokati olwoodi eshi kwa li omukulukadi waye nondenge yaye yokakadona va li tava lu meumbo lavo. Otaku hokololwa omukainhu ou e ya meumbo pamwe novalumenhu ve li vavali efimbo loufiku va dja keenhingo va kolwa. Ova hanga Zaahl nomukulukadi waye va kofa nale. Vati eshi ava va ya meumbo, ova tameka tava fange komuvelo weumbo nokuninga eweelelo lihapu unene.  Nokonima, Zaahl pamwe nomukulukadi waye ova penduka ndele tava pula kutya oshike tava ningile ngaho. Okudja opo ovakainhu ava ova tameka okutanguna nokulwa.  Zaahl okwa kendambale okuya pokati olwoodi e va hangukunune, ashike omukainhu, ou e li omumwaina womukulukadi waye okwa kufa melimba ndele ta tu Zaahl wosuwala shaye monhulo noku li denga po. Omukadi okwa kendambala a twale Richardo koshipangelo shaRehoboth, ashike, mupya munene Ricardo okwa xulifila mondjila.

Nakulonga oushada okwa kwatwa po nokwa teelelika opo a ka holoke momhangu yaMangestalata moRehoboth nena, nomakonaakono opolifi otaa twikile.