Iimbuluma yi nyanyaleka onkene tayi ende tayi indjipala, mbyoka tayi shololitha noku tilitha oshigwana, mwakwatelwa olutu lomukiintu gomimvo 23 Lydia Garises, ndoka lwaadhika kaaluna iilyo yopokati komagulu.
Sha ikolela kuuyelele wa gandjwa komukuluntu gopolisi nomugandji gomauyelele Kauna Shikwambi, olutu lwaGarises okwali lwa atsuwa momulonga gomeya lopotundi 17:50 yokomatango, Omaandaha.
“Omukiintu ngoka, anuwa kwali a monika lwa hugunina kohango mOlomakaya lopotundi 22h00 yuusiku, ndyoka yali yili koStinkwater ,” ta hokolola ngaka.
Sha ikwatelela komakonakono ga ningwa kopolisi, na kusa okwa adhika akwatwa koonkondo.
Garises okwa thigiko okanona komimvo 10.
Opolisi otayi indile oshigwana, kehe ngoka e na uyelele kombinga yoshiningwanima shika nenge eshi ngoka alongo ilonga mbyoka yi nyanyaleka, alopotele opolisi yili popepi naye. “Aapolisi mboka otaya ka yamukula mbala, Warrant Kavari ta monika konomola 081 280 0326 oshowo Kaokoon 081 642 0826,” Shikwambi ta ti ngaaka.
Omakonakono gopolisi ogeli metifa, nonando okwali kwalopotwa opolisi yili molukongo lomulumentu gumwe ta fekelwa moshiningwanima shoka.
Moshiningwanima inaashifathana shoka tashi yemateke, omukiintu gomimvo 26 okwamangwa po kopolisi sho anuwa ali a monene ohanana metemba lyokwisholela.
Sha ikwatelela kepeko lyopolisi oshiningwanima shoka osha ningilwa megumbo moka omukiintu ngoka ali halongo, mOvenduka.
Otaku hokolola kutya omukiintu ngoka okwali a vutulamo omandjandja gohanana ete ga umbile mondoloma yiiyagaya, omanga olutu elu holeke mosikopa ye yiikutu.
Oonkuundana ndhoka mbali okwali dhatilitha oshigwana, no yendji komalungula oya kala taya taambathana oonkundana ndhoka, monkalo yolukeno.
Oonkundana ndhoka dhi nyanyaleka okwali dha etitha yamwe taya popi kutya, mboka taya longele aantu uuwinayi nayo naye wushinithilwe, nonando ompango ndyoka moNamibia kayi mo. Omukulupe gomimvo 65 okwasi sho aponokelwa kondjamba Etitano moshitopolwa shaKunene.
Sha ikolela kepeko lyopolisi oshiningwanima osha holoka lopotundi 17:50 kohambo tayi ithanwa Otjitapera, momundhingoloko gOpuwo.
Otaku hokololwa kutya omukupe ngoka okwali a falwa koshipangelo hoka aka hulithila.
– vkaapanda@nepc.com.na