New Era Newspaper

Icon Collap
...
Home / Omukulupe a dhipagwa kondjamba

Omukulupe a dhipagwa kondjamba

2021-11-29  Victoria Kaapanda

Omukulupe a dhipagwa kondjamba
Top of a Page

Omupopiliko guuministeli womindhingoloko, iihwa nomatalelepo Remeo  Muyunda okwa kumagidha oshigwana hashi zi po pepi nenge meni lyomahala ga gamenwa giiyamakuti ya kale aluhe ya kotoka.

Muyamba ndhoka okwedhi popi sho ondjamba yimwe, oshiwike sha ziko ya li ya ponekele nokundhipaga omukulupe gomimvo 71, moshitopolwa  shaZambezi.

Ta ti, oshiningwanima shoka osha holoka lopotundi 09h00 yongula, momundhingoloko Omega 3.

Otaku hokololwa kutya omukulupe ngoka atseyika nedhina Matala Mafuta okwali a ponekelwa ethimbo kwali ta ende a uka mepya lye.

“Omukulupe ngoka okwakonekwa kutya ka kwali ena ontseyo kutya opwali pena ondjamba yi li po pepi, sho a ka keuka ondjamba oyathika nale puye, no yali ye mukondokele pehala itaavulu okuza po,” ta hokolola.

Ta ti, nonando aashinda oyali ya vu sho tagu, ta pula ekwathelo, ethimbo ya kathika oya adha nale ondjamba ya ya, omanga olutu lwa nakusa luli mevi.   

Oshiningwanima shoka oshaningilwa momudhingoloko gwehala lya gamenwa tali ithanwa “Bwabwata national park.

Muyamba okwati, omukupe ngoka omutihetatu, takuthwa omwenyo kiiyamakuti nuumvo.

Ta ti yamwe oyali ya ndhipagwa koongandu, oondjamba oshowo oondjambameya.

“Yane oya li ya ponokelwa koongandu, yaali okoondjamba meya oshowo gumwe kondjamba,” ta fatulula ngaaka.

Ta ti, nonando aanambelewa muuministeli womindhingoloko yali kambandhala okukonga ondjamba  ndyoka ya ndhipaga omuntu, oya li ya adha nale ya ya mumwe noonkwawo.

Uuninisteli owa tseyitha kutya otau ka longekidha oshimaliwa 100 000, shoku longekidha efumbiko lya nakusa, ngaashi nana sha kolekwa kokatenda komilandu noompango muunmnisteli womindhingoloko.

Natango uuministeli mbuka owagandja omahekeleko kaakwanezimo ya nakusa. 

“Omaso ngoka oha geya ombaandhilila, onkene pethimbo ndika otandi tsikile aakalimo yeli momahala ganika oshiponga ya kale aluhe ya tala nokukondolola omindhingoloko dhawo.

– vkaapanda@nepc.com.na


2021-11-29  Victoria Kaapanda

Share on social media
Bottom of a page