Omukulupe weedula 62 okwa ponokelwa kookalyamupombo vatatu ndele tave mu kufa oshimaliwa N$250 000 osho a hangika e a humbata motuwa yaye.  Oshiningwanima eshi osha ningwa Omaandaxa efimbo longula lwopotundi 10h50 moWindhoek.

Omupopiliko wopolifi moshitukulwa shaKhomas Warrant Silas Shipandeni okwa hokolola ta ti omukulupe okwa li a kanghameka otuwa yaye noknima okwa ka dja ovafekelwa vovalumenhu tave mu ningile omatilifo. Vati ovafekelwa ova u lika nakuninga oshihakanwa nondjebo tava ti kutya otave mu dipaa ngeenge ina hala okuyandja oshimaliwa shaye.

Vati konima yefimbo ovafekelwa ova tewa ekende lotuwa yomukulupe eshi va mona kutya ina hala okudja mo motuwa ndele tava kufa mo ondjato yoshimaliwa.

Ovafekelwa ova faduka po va uka motuwa yavo yoPolo ina eenomola doipupulu N966 663W. Opolifi oya hokolola tai ti vati mboli ovafekelwa ova kala va landula omukulupe ou eshi kwa li aka nana oshimaliwa kombaanga yoStandard Bank. Ka pena omufekelwa a kwatwa po fiyo opapa noshimaliwa ina shi monika. Opolifi otai indile moshiwana kwau e na ouyelele kombinga yovafekelwa avo opo shi kale sha lopotela opolifi diva keshe i li popepi.

fhmalwa@nepc.com.na