Opolifi moshitukulwa shaShana otai konakona oshibofa shomulumenhu weedula 31 vati a ningilwa omatilifo okudipawa nondjebo kunyamunghwao.
Oshiningwanima osha ningwa Omaandaxa efimbo loufiku lwopotundi 23h00 molukanda Uupopo mOndangwa.
Omupopiliko wopolifi moshitukulwa shaShana Chief Inspector Thomas Aiyambo okwa hokolola ta ti nakuningilwa omatilifo okwa hangika moduda yomukainhu waye komulumenhu mukwao.
Otaku hokololwa kutya ovalumenhu ava vati ove li mekwatafano lopaihole lomukainhu ou.
Okudja opo omulumenhu a hangika monduda okwa faduka po nokonima omufekelwa okwe mu landula e kwete ondjebo.
Omufekelwa vati okwa umba ondjebo mombada osho sha eta opo nakufadukapo a kanghame. Omufekelwa vati okwa tameka nokuningila omatilifo edipao ta ti nyamunghwao na xulife po oku kala nomukainhu waye.
Omufekelwa ina kwatwa po onghee opolifi otai twikile nomakonakono elixwapo.
Oshiningwanima shikwao, omukainhu weedula 22 okwe li tuwa e li meemhango a xulifa monduda yaye yokunangala komukunda Onamadile.
Nakufya okwa tongolwa oye Maria Felnado omukalimo womomukunda Omadile moshitukulwa shaShana.
Omukainhu weedula 34 naye okwe li tulwa e li meemhango a xulifa mobashu yaye molukanda Omashaka mOndangwa Omaandaxa.
Nakufya okwa tongolwa oye Ester Kandali Nuule omukalimo womOndangwa.
Ota ku hokololwa omukainhu ou okwe li tuwa kumushiinda shaye konima eshi a didilika a ninga omafiku ina monika.