O m u n a f a a l a m a g w o o n d j u h w a moshitopolwa shaShana o k w a ku m a g i d h a aanyasha ya nyangadhale konima yeyilongo lyawo, peha lyokukuutumba momagumbo. Lukas Amupolo ngoka e na oshikunino shoondjuhwa niikwamboga momukunda Othingo okwa ti, okwa li a mono aanyasha taya nyenyeta komalungula kutya kaye na iilonga, ihe otaya gandja oombedhi kepangelo.
“Aanyasha aakwetu! iilonga kayi shi okulongela moombelewa. Nandi mu fatulile kutya iilonga yokoonyala oyi na iimaliwa yi vulithe iilonga ayihe,” ta fatulula ngaaka. Ta ti, ota tsu kumwe naamboka taya indile oshimaliwa okutota po ongeshefa dhawo nenge ya yambidhidhwe nooproyeka okuya po noongeshefa. Ta gwedha po ta ti, okukala omuhona kungoye mwene oshinima oshiwinawa, shoka wa pumbwa oonkondo neyitulemo. Amupolo oku na oshikuku shoondjuhwa dhi vule 200, ihe kehe esiku komwaalu gwoondjuhwa ohaku gwedhwa.
“Onda tameke ongeshefa yandje yoondjuhwa oshowo omayi oomvula mbali dha pita, nonando ethimbo ndika oongeshefa moshilongo itadhi ende nawa omolwego p e v i l y o s h i m a l i w a moshilongo, otatu endekele ngaa, hu itaaku ziya,” ta popi ngaaka. Ta kumagidha ta ti, oshimaliwa ihashi gwana, ihe okashona hoka to mono okutula omboloto poshitaafula, oke vule owala. Okwa kumagidha ta ti, uuwanawa ihawu zi pokapala ka yela. Aanyasha inaya kala we ya tegelela okupewa iilonga kepangelo omanga taya vulu okulongitha uunongo wa wo yene. “Sho nda tameke ongeshefa ndjika, okwa li nda tameke noondjuhwa 50, ihe nena ondi na oondjuhwa dhi vule 200. Oondjuhwa ohadhi pe ndje omayi ngoka handi landitha,” Amupolo ta popi ngaaka. Ta ti, oku na oshikunino shiikwamboga ya yooloka, ngaashi omatama, oonyanga, oomboga dhomaludhi agehe oshowo uuna wamundesha.
Ta gwedha po ta ti, oongeshefa ndhoka mbali odhe mu kutha mepandaanda, noonzapo n d h o k a a m o n o kiiputindhilo yopombanda ihe dhi dhilandhila, oshoka oshimaliwa shoka ha mono moongeshefa ndhoka oshi vulithe shoka kwa li taka mona ngele a mono iilonga yonzapo ye.
Omunafaalama okwa ti, ongeshefa ndjoka oyo a ikolelela muyo okupalutha aakwanezimo. “Tu kondjitheni shoka tashi eta elunduluko oshowo tashi vulu oku lundulula oonkalo dhetu, okupopya kaku na shoka taku ti,” ta kumagidha ngaaka.
vkaapanda@nepc.com.na