Festus Hamalwa

Komufala womavyulonghalo Raphael Hamunyela ota ti omwaalu wovanhu ve li meedolongo va kwa twa kombuto yoCovid-19 ou li pedu neenghono okudja omudo wa dja ko eshi ombuto yoCovid-19 nghee ya tamekele.

Meenghundafana a ninga na Kundana komufala Hamunyela okwa hokolola ta ti momavyulonghalo
kamuna sha ovanhu vahapu va kwatwa komukifi woCovid, unene tuu odula ei okwa didilikwa ovanadolongo vahapu inava kwatwa komufiki moshilongo ashishe.

Hamunyela okwa ti okudja omudo  wa dja ko eshi ombuto yoCovid ya tukuka moNamibia okwa lopotwa ashike ovanadolongo ve li 911 ovo va kwatwa kombuto ve li komandiki omavyulonghalo moshilongo ashishe, omanga omafyo okuli atatu.

“Mopaife ngaha omwaalu vovanhu veli 905 oku dja komadiki ayeshe moshilongo oveli vaveluka kombuto ei, omanga veli vatatu ove a shike veli vena ombuto paife,” Hamunyela ta ti.

Onghee komufala okwa ti oshi hafifa oku mona omwaalu uli pedu vovanhu ava vakwa twa kombuto koshikondo shaye shomavyulonghalo.

Hamunyela okwa padula ovanambelewa oshoyo ovanadolongo eshi tava twikile nokuluufa komilandu odo da tulwa po oku li kelela kombuto ei.

“Oshikondo shomavyulonghalo osha longa noudinini nokukwashipaleka kutya ovanhu aveshe ova amenwa komukifi, onghee eshi oshi padulwa neenghono,” Hamunyela ta ti.

Komufala ta ti ovenda yotunhila yomukifi woCovid otai ende nawa lele komadiki omavyulonghalo ayeshe. Okwa kunghulila ovanailonga veli komavyulonghalo, ovanadolongo opo va twikile nokuluufa komilandu doCovid19.