New Era Newspaper

New Era Epaper
Icon Collap
...
Home / Oondhalate dholusheno dhongushu yoomiliona N$15 dha ya naafuthi

Oondhalate dholusheno dhongushu yoomiliona N$15 dha ya naafuthi

2020-03-12  Staff Reporter

Oondhalate dholusheno dhongushu yoomiliona N$15 dha ya naafuthi
Top of a Page

Victoria Kaapanda

ONGWEDIVA- Aafuthi oya yaka oondhalate dholusheno dhongushu yi vule pomilliona N$15 dhehangano lyomalusheno Nored, notaku tiwa otadhi vulu oku eta oshiponga oshinene miitopolwa.
Omukuluntu gwomawutekenika mehangano lyoNored Petnen Frans okwa ti oshinima shoka osha nika oshiponga noonkondo, otashi vulu okufika omagumbo ogendji.

“Oshiningwanima shika otwe shi lopotelwa ongula yEtiyali, sho oombudhi dha ponokele ehala lya gamenwa lyo lyi ikalekelwa, sho ya tete ondhalate okuya mo e taya  yaka mo iitenda yoaluminium”, Frans ta ti ngaaka.
Ta hokolola ta ti iitenda mbyoka oyi na ongushu yi vule poomilliona N$15 kehe poshitaasi shomalusheno. Ta ti oya lopotelwa kutya aafuthi mboka oya tameke kooshitaasi shomalusheno kOpuwo, Oshikuku napaife oye li mOngwediva.

Frans okwa popi ta ti mboka taya longo iilonga yi li ngaaka, oye na okukala ye na ontseyo onene yomalusheno oshoka oya teta ye shi kutya otaya tete peni opo oongodhi ndhoka dhi na oku eta omulilo kaaye  dhi nyenge.

Okwa gwedha po ta ti omahala ngoka oga nika oshiponga onkene inaga uthwa okupitwa kukehe gumwe, omulilo tagu ende moongodhi moka ogundji nayi nogwa nika oshiponga. 
Shika osho sha li sha etitha ondhime momudhingoloko gwaNgwediva Etiyali sho olusheno lwa li lwa dhimi uule wowili yimwe.

Frans okwa indile oshigwana shi longele kumwe nopolisi uuna ya mono omuntu ta landitha nenge ta piti omahala ngoka, e shi lopote kopolisi yi li popepi naye. 


2020-03-12  Staff Reporter

Tags: Oshana
Share on social media
Bottom of a page