Uuministeli wOmudhingoloko nOmatalelopo owa holola kutya omumvo gwa ziko oopelesenda 89% dhaalongi yuukulumuna mokuyaha iiyamakuti mbyoka ya gamenwa oyeli aaNamibia momumvo gwa ziko na oshiyamakuti shoka shali taya yaha uunene na oshina ondilo ooshoka shedhina Ongaka.

Dhika odhali dha kolekwa komugandjimulombo muuministeli moka Romeo Muyunda sho a pititha omulombo noshowo olopota yuuministeli kombinga yiiyamakuti ya gamenwa yokomumvo yomumvo gwa ziko.

Muyunda okwa hokolola kutya omumvo ogo tuu ngoka aanambelewa yuuministeli mboka pamwe neyambidhidho lyopolisi oyali woo ya kwata oopelesenda ntano dhoongangala dhiiyamakuti mbyoka, mboka yeli aakwashigwana yaAngola .

“Aakwashigwana yaZambia nayo woo oyali ya kwatwa oyendji omumvo gwa ziko na oye thike poopelesenda ndatu moongangala dhoka dha kwatwa omumvo gwayi. Oopelesenda 0,8% aakwashigwana ya Zimbwabwe omanga , oopelesenda 0,3 aakwashigwana yaBotswana,” osho olopota ndjoka ya totha mo. Okwati oopelesenda 77% dhaamboka ya mangwa omumvo gwa ziko odhili modholongo dha tegelelwa oku mona omageelo gawo opo ya wape oku sitalafwa.

Oopelesenda 21 % ngashingeyi odhili kondje dha yako nomboloha, omanga oopelesenda mbali dha faula ohofa ano dha fadhuka po ompangulilo na kadhi shiwike we mpoka dhili. Oyali woo ya totha mo kutya mokati kiiyamakuti ayihe mbyoka ya yahwa koongangala omvula ya ziko , iikwamenye oyo yali tayi hahwa uunene kamana , etaku landula Ongaka oyo ya kala noku kongwa  unene kookalyamupombo, pethimbo ndyoka lyuukongo ina wu pitikwa .Muyunda okwa hokolola kutya oondjamba yoo noshowo iikwanyama oyindji nayo oya kala noku ninga iihakanwa yoongangala dhoka opo nduno ku landule oompinda noshowo iiyamakuti iikwawo.

Ashike uuministeli owa holola kutya natango ota wu tsikile nokulongela kumwe  nopolisi nuumvo moku kondjitha iimbuluma nomunyonena ngoka tagu ningilwa iiyamakuti. Okwati kutya iiyamakuti oyo uuyamba woshilongo shika na ita wu vulu oku yo na gulwa po kaantu oohandimwe. 

– ljason@nepc.com.na