Opolifi moshitukulwa shaShana oya kwata ko omandini 46 omahooli a hangika meumbo molukanda Evululuko mOshakati.

Omandini ahetatu omahooli okwa monika mEtitatu, a hangika novakainhu vavali tava landifa, omanga omandini e li 38 okwa hangika novalumenhu vavali.

Omukonakoni woimbuluma mOshana Chief Inspector Bartolomeus Mateus okwa hokolola ta ti ovafekelwa aveshe va hangika nomahooli ova kwatwa po.

Okwa hokolola ta ti omandini okwa hangika a holekwa meumbo konima eshi ovakwashiwana pomudingonoko va yandja ouyelele kopolifi.

Omandini ayeshe oku li pongushu yoshimaliwa sheN$27 079 noku li koshitaashi shopolifi.

Otaku hokololwa kutya ovafekelwa ava ove na oitaashi yomahooli momaumbo avo omo vati hava landifa omahooli paumbudi.

Opolifi oya hokolola tai ti omahooli okwa dja koAngola shihe li papitikilo molwaashi ovanhu inava pitikwa okulandifa omahooli moshilongo.

Okwa didilikwa oshiwana hashi ka tala omandini omahooli moAngola nokulandifa shaashi ovanhu otava kongo ouxupilo.

Komudingonoko waShikonga noshoyo omikunda ta dingonoka Oshikango oko unene kwa didilikwa omwaalu wovanhu tava landifa omahooli.

Opolifi oya kumaida oshiwana opo shi longele kumwe nopolifi mokuyandja ouyelele kopolifi kombinga yovanhu tava landifa omahooli paumbudi.

- fhamalwa@nepc.com.na