Victoria Kaapanda

ONGWEDIVA - Opolisi mOshitopolwa shaHangwena otayi indile aakwashigwana ya longele kumwe opo ya kwate omuntu ngoka a lyata omukiintu gwomimvo 30 Etitatu lyoshiwike shika potundi 12h00 yuusiku.
Omugandjimulombo noomupopiliko gwopolisi moshitopolwa shaHangwena Abner Kaume Itumba okwa ti omukiintu ngoka okwa li ta taaguluka opate sho kwa zi ohauto ontokele yoVvti ndjoka ye mu pumu e tayi ndopa okuthikama nonando ya thigi po esipili etsimine lyokombinga yimwe .

“Kehe ngoka a mono ohauto yo-vvti kayi na esipili lyokombinga yimwe nenge tayi gandja omalimbililo, na kale a lopotela opolisi yopopepi naye,” Itumba ta ti ngaaka.

Itumba ta ti oshiningwanima shoka osha ningilwa mopate onene ndjoka ya pita momukunda  Ongha  noNdeihaluka.

Shika osha ningwa ashike omasiku omafupi ga piti po sho oshiningwanima sha faathana sha ningwa oshiwike sha zi ko, sho okanona kokanasikola ka li ka lyatwa ihe omuhingi okwa fadhuka po.