WALVIS BAY – Aanambelewa yopolisi naamboka haya hupitha oomwenyo oya li ya tulwa pomukunkulofuta gwaKuisebmond ongula yohela ya kalele ohi onenenene tayi ithanwa ‘whale’ melaka etakumi ndjoka ya li ye ya popepi nomukunkulofuta mEtitatu.

Nonando aakwashigwana oyendji oya li ye ya pehala mpaka omolwa okatalekonawa, yamwe kaya li ye na ohenda noya monika nokuli taya dhana nokunukila ohi ndjika tayi monika yi li poku gu inana. Onkene opolisi oya li ya tendekeo ehala ndyoka, ashike ohi otayi dhengwa kepupyu oshoka ondoolopa ngashiingeyi oya pupyala.

Ohi ndjoka nando ya li yu undulilwa momeya mEtitatu, onkene tuu nantango ya galuka ko e tayi ya komukukulofuta. Ehangano lyoNamibia Dolphin Project tali ti kutya oohi dholudhi lwodolphin noowhale osho hadhi ihumbata ngaaka uuna dha tindila pokuma.

Ehangano tali ti kutya itashi vulika ohi ndjika yi ye momeya omale mefuta omolwa uunene wayo onkene itayi hupu nuupu. Oya li taya tala omukalo gwoku yi dhipaga opo kaayi mone we iihuna ngaaka. Nando ongawo, ohi ndjika oya li nomwenyo ohela komatango