Oludhi loshipuka shoka hashi li nokuya eteyo moshipala lyaanafaaalama shedhina Red locust oshi iteyele moshitopolwa shaZambezi  oshiwike sha zi ko.

Omulombo ngoka gwa tumwa kombelewa yuunamapya nuunimuna, omeya nomakuti , ogwa hokolola kutya ngashingeyi okalombo hoka oke li momikunda ngaashi Ibbu, Ngala, Muyako noshowo Ihaha moshitopolwa omo tuu moka.

Okwa hokololwa kutya ngashiingeyi okangundu kaanambelewa mboka ya yi ya ka tsinina ko omuti oya talela po ehala ndyoka noya kwashilipaleke kutya  okapuka hoka oka iteyele momahala guulithilo ngoka  popepi neshana ndyoka lyi li komunkulo gwomulonga gwedhina Chobe River. Oshipahu shika otashi fekelwa aniwa sha fa sha taaguluka oongamba sha za koshishiindalongo Botswana.  Onkene Namibia ngashiingeyi oku li oshilongo oshitiyali muumbugantu waAfrica shoka sha gandja omulombo moshinima shika, oshilongo shotango Botswana oye a li a lopotwa e na okapuka haka.

Ngashingeyi aniwa oshipahu shika oshi li nduno momapya gaanafaalama muuzilo waZambezi tashi ihanene nduno ku uka momapya sigo okumukunda gwedhina Kapani.  Nonande iilikolwa moshitopolwa muka oyi li poondondo dha yooloka, iilya , iikwamboga noshowo  iikwangala ya yooloka  otayi vulu ngaa natango okuyonagulwa po kokapuka haka.

 Okapuka haka aniwa okamwe komuupuka mboka hau taandele mbala unene moAfrica. Aniwa okapuka kamwe hoka haka shendje iikoto mbala ngele tashi ya pomikalo dhako.  Uuministeli owa ti okapuka hoka ohaka taandela woo taka endelele na ngele nokuli oshe ya poshikukuta ohaka vala ta ka endelele e taka tendula pethimbo lyokufu ngaashi ndika.

Onkene nee uuministeli owu li tawu kunkulile aakwashigwana okupitila moolandiwo niikundaneki unene tuu aanafalama ya kale ya kotokela okapuka hoka.
Okwa ti kutya aanafaalama naya kale ya lungama ngele tashiya pokalombo hoka  oshoka ota kali ta ka endelele.