Ositola tayi ithanwa hayi ndulika iilongomwa yiipa yompo mondoolopa yaSwakopmund moshitopolwa shErongo oya ponokelwa kookalyamupombo noku yugwa iinima yongushu yoN$480 000.

Sha ikolela kepeko lyopolisi, oshiningwanima osha holoka lopotundi 03h27 petameko loshiwika shika.

Otaku hokololwa kutya aafuthi mboka okwa li ya pokole ositola ndyoka ya pitila momweelo omunene, noya li ya yi ontuku no mapaya goku zala gongushu ga longwa miiyamakuti, oshowo uundjato wiimaliwa.

Opolisi oya ti, iinima ayihe mbyoka ya yakwa mo oyina ondanda “V” ya shangwa ko.

Ta yi ti sigo ompaka kapu na shoka sha monika po, onkene opolisi otayi indile oshigwana shi yambindhindhwe  moku konga aafuthi mboka.

Otaku hokololwa kutya aafuthi mboka okwa Ii ya matukile mohauto osiliveli yoSeven seater.

Ngoka taka mono uuyelele tau vulu okumangitha aafuthi mboka na ndhenge Commissioner Erastus Iikuyu konomola 081 246 4757 nenge Detective Warrant Auchab 081 276 6844.  Aaafuthi oya pumbwa okulopotwa opo ya mangwe, yo ya ze mo mokati kaantu. Opolisi oshilongo ashihe oya ningi ethimbo tayi lopota iningwanima yomayeko oshowo iimbuluma yilwe.

Oositola oshowo omahala gomanwino oga  ningi ihakanwa noga ningi ethimbo taga ponokelwa kookakalya mupombo, onkene oshigwana osha kumagidhwa shi kale sha kotoka ethimbo alihe.

– vkaapanda@nepc.com.na