Omushingi weloli pamwe novaneumbo laye ova kwatwa po konima eshi va ti va vaka omaadi okulya mololi e na ongushu yo N$268 780. 

Oshiningwanima osha ningwa mexuliloshivike molukanda Uupindi mOshakati efimbo lokomatango.

Omupopiliko wopolifi moshitukulwa shaShana Inspector Thomas Aiyambo okwa hokolola ta ti omufekelwa ou e li omushingi weloli okwa li a pewa oshinakuwanifa kovahona vaye opo a twale oinima kOpuwo.

Otaku hokololwa kutya ponhele yokutwala oinima kOpuwo omufekelwa okwa shinga fiyo opeumbo laye molukanda Uupindi mOshakati opo va tameka okuyelula omakende.

Va ti ovafekelwa ova landifa po nokuli oipakete imwe.

Opolifi oya hokolola tai ti oipakete imwe oya hangika ya holekwa monduda yomufekelwa koshi yombete.

Opolifi oya hokolola tai ti oya lopotelwa koshiwana konima eshi sha mona oinima tai yelulwa yo tai landifwa.

Ovafekelwa ova holoka momhangu onghela notava pangulilwa oshibofa shoumbudi.

fhamalwa@nepe.com.na