New Era Newspaper

Icon Collap
...
Home / Shangula: Ovanhu veedula okudja 60 tava ka tunhilwa ovenda onhinhatu

Shangula: Ovanhu veedula okudja 60 tava ka tunhilwa ovenda onhinhatu

2021-12-02  Festus Nakatana

Shangula: Ovanhu veedula okudja 60 tava ka tunhilwa ovenda onhinhatu
Top of a Page

Festus Hamawlwa

Ominista youhaku nonghalonawa Dr Kalumbi Shangula okwa ti ovanhu veedula 60 oku uka pombada novanhu ve li kepango lomikifi da yooloka otava ka tunhilwa ovenda onhina  ngula okwa ti elalakano lokutunhila ovanhu ava osheshi okwa didilikwa ve na omhito yakula yokukala  va kwatwa kombuto unene tuu eshi oshilongo sha taalela ekufikufi etine.

Okwa ti ouministeli otau kwashipaleke kutya ovanhu ova amenwa kombuto tashi pitile mokuyandja etunhilo. Minista edi okwe dipopya momushangwapitifi wa dja mombelewa  yaye Etivali eshi ta holola ta ti osha fimana ngeenge ovanhu ve li meedula dopendjela tava ka tunhilwa ovenda yavo onhinhatu opo va kale ve na ovakwaita volutu tava dulu okulwifa ombuto yoCovid-19.

Shangula okwa ti omandiki ouhaku amwe okwa tameka nale okuyandja ovenda onhinhatu kovanhu ve na omikifi ngaashi okaanghela no-HIV nosho tuu omikifi da yooloka shaashi ovo unene va didilikwa va taalela eshongo lokukwatwa kombuto noupu.

“Oministeli youhaku oya longekida omiti da wana koipangelo nokomandiki ouhaku aeshe opo oshiwana shi kale sha mona omhito yokutunhilwa,” Shangula ta ti.

Okwa ti ovanhu nava topolelafane ouyelele kombinga yefimano lovenda yoCovid-19 opo ovanhu va kale ve na eudeko la wana lokukala va ka tunhilwa. “Ookansela noveene vomikunda va twikile okuyandja ouyelele moshiwana kombinga yovenda onhinhatu opo oshiwana shi kale sha xwaxwamekwa okukala shi na ohokwe yokukatunhilwa,” Shangula  ta ti.

Okwa ti ovanhu nava twikile okuliufa komilandu doCovid-19 efimbo keshe shaashi omukifi ou owa nyika oshiponga neenghono.

– fhamalwa@nepc.com.na


2021-12-02  Festus Nakatana

Share on social media
Bottom of a page