New Era Newspaper

New Era Epaper
Icon Collap
...
Home / Shifeta ta ti okakombo noludhi otaka kanithitha Swapo omawi

Shifeta ta ti okakombo noludhi otaka kanithitha Swapo omawi

2022-10-27  Victoria Kaapanda

Shifeta ta ti okakombo noludhi otaka kanithitha Swapo omawi

 

Omuulikwahogololo muupevipresidente Pohamaba Shifeta okwa kumagidha aaleli ya kale ye holathane, yo ya kalekepo ombili pokati kawo, oshoka omatopoko ngoka ga etwa kuutondwe oga tula ongundu yoSwapo mekano.

Pohamba okwa li a popi ngaaka pethimbo lyomahwahwameko gaaulikwahogololo muupevipresidente, ngoka ga ningilwa moshitopolwa shaShana Etitatu lyoshiwike shika.

“Omahogololo ga zi ko okwa li twa kanitha omawi ogendji miikandjohogololo 

 

momalelo goondoolopa, omolwomananathano ge li pokati kaaleli,” ta ti ngaaka.

Ta gwedha po ta ti, iilyo yongundu inayi kala tayi yolithathana ngele kayi li moshili. 

Shifeta ta ti, uuna oohayilwa ye ninathane omaupyakandhi ohaya kala ya hala okukwatela mo wo naamboka ye li popepi naamboka itaa tsu a thithe nayo, ihe shoka kashi li mondjila.

“Uupyakadhi woye wu na nahayilwa gumwe, inau kala uupyakadhi wetweni atuheni oshoka ngame kandi po pokati keni, shoka nda hala ombili ashike,” ta ti ngaaka.

Ta gwedha po ta ti, ongundu yoSwapo ongundu onene yi ya vule ayehe, onkene oyi na okusimanekwa.

Shifeta ta gandja oshiholelwa ta ti, naye oku na ashike aaulikwa ye li methigathano nayo, ihe ota yolo ashike nayo kaape na uupyakadhi washa oshoka ke na nayo nando uupyakadhi.

“Ngoka keehole ndje, kandi na ko nasha, mbyoka iilonga ye,” ta ti ngaaka.

Aaulikwahogololo mbaka oya li ya talele po oshitopolwa shaShana mEtitatu.

vkaapanda@nepc.com.na


2022-10-27  Victoria Kaapanda

Share on social media