Patululo yamapampili atatubo amashumi amalalu ka amabeli mokuna ni lituto zabalitopa za10, 11 ni 12 kukatisa butata kwakalulo yetalimana kale ni butata bone butisizwe kibutuku bwa Covid-19.
Patululo yamapampili atatubo ni mapampili alikalabo, ilyanganisize tatubo yanaha kaufela mwalituto zene patuluzwi, ili zeka ñoliwa sinca isaho, ili taba yetisize kuli likolo likwale kapili.
Mubakweli kulikwambuyu waliluko la tuto Faustina Caley nabulelezi babihi bamakande kuli litaba zetalu zabubangoki likwaluzwi kwamapokola mwa Ongwediva ni Ondangwa.
Kubihilwe kuli simuluho yapatululo nekona kuba kuli netile hala litatubo zene lukiselizwe bañoli balibofu. Lipatisiso zamapokola lipatuluzi kuli mapampili amañata atatubo alituto zasitopa sa 12 hala karikulamu yakale, niza sitopa sa 11 hala karikulamu yenca alyanganisizwe. Kutisa cwale babakulubelwa balishumi sebatamilwe, mi balobapeli balukuluzwi kulibelela taba kwande. Mazwahule bababeli basali mwasitokisi. “Taba yeo kiye tuna, kibuinyazo bobutuna mi iselwi kutalimwa hahulu.
Litaba zewanasina ze kibumaswe bobu shandaula, kibusholi ni bupumi mwatuto, mi kacwalo liluko linyaza hahulu taba yeo,” nekubulezi Caley.
Mubakweli kulikwambuyu naize patululo yeo ika tisa tiyeho hala kupatalaza linepo zalitopa za 11 ni 12.
“Taba yeo ika lyanganisa hahulu makalo amakilasi alitopa za12 ni 11 isaho.”
Lituto zenyatezwi zene patuluzwi kungelezi zasitopa sa 12 ki English (sikuwa) pampili yapili ni pampili yabubeli, History pampili yapili niya bubeli, Agriculture pampili yapili niya bubeli, Development Studies pampili yapili, yabubeli niya bulalu, Biology pampili yapili, yabubeli, niya bulalu.
Zasitopa sa 11 kungelezi pampili yapili yaSikuwa, pampili yapili ya Sibulu, Biology pampili yapili, yabubeli niya bulalu, Lipalo pampili yapili niya bubeli, Physical Science pampili yapili, yabubeli niya bulalu, Chemistry pampili yapili, yabubeli niya bulalu, Entrepreneurship pampili yapili, Business Studies pampili yapili niya bubeli, Oshikwanyama ni Oshindonga pampili yapili, yabubeli niya bulalu.
Caley nakupile maticele, bashemi, bababaleli, ni sicaba kubiha litaba zalikezo zemaswe. “Mwanako yacwale lika kaufela lisweli kupetwa kubatisisa taba ye, ni kubona kuli mihato yapukelezo yeliteñi yatiisezwa,” nabulezi.