Ongwediva - Oshimpungu shuudhano wokukutha oonkali pepata oshi li sha dhngwa sha lila konkalo yeliko ndjoka ta yi idhunga noshilongo na oya thiga omawudhano gwamwe pomutenya.

Dhika odha li dha hololwa poshigongi oshinene shoAteletika shoka sha li mOveduka ehuliloshiwike lyazako.
Oshigongi shoka sha li sha kaliwa ombinga komitse adhihe dhoAteletika moshilongo osha li sha talulula ku nkene yena oku hila omupaya opo ya vule oku hupitha uudhano woAteletika pethimbo ndika lyonkalo yanika onkalakatenya.
Pethimbo twa li moonkundathana naMathew Johannes ngoka e li omupevi Presitende gwongongahangano yoAteletika moshilongo okwa li a holola kutya uudhano owundji woAteletika owa li wa shunithwa monima oshoka ka ya li ya pewa okathilinga kepangelo.

Okwati uudhadhano unene mboka hawu dhanenwa mokapale owu li wa dhengwa odhimbo onene oshoka ka wuna we ngo te wu kwashilipaleke na ehangano lyoAteletika olya li lya longitha uusende mboka wa li wa nuninwa omapendule po gwoAteletika miitopolwa yokuushayi opo ya etepo ethigathano.

“Kehe oshilongo osha tegelelwa shikale sha ninga ethigathano lyoAteletika momumuvo ndyoka ta li pe aamatuki ompito opo ya tale ngele ota yamatuka pamushingo no ko mawutho ngoka ga tulwa po  kongonga hangano yoAteletika muuyuni,” Johannes tati.

Okwati oya li yena okwiiyutha komalombwelo ngaka oshoka ngele oshilongo osha kala in shi ninga uudhano momukokomoko gwomumvo nena ota shi pewa olukaku kehangano lyoAteletika muuyuni.

“Oshigongi osha li sha ningi omatokolo opo shi dhipage po uukomitiye wumwe moAteletika oshoka osha li sha dhimululwa kutya wumwe womuukominitiye mbuka ka wuna oonkondo n aka wuna oshilonga onkene ota wu ka hengumukila muukwawo opo ku kelelwe elongitho lyoshimaliwa li li pombanda.

Ta tsikileko tati nando uukomitye mbuka aantu oha ya longo ta ya iyamba shika osha li sha pe ehangano uudhigu unene oshoka una puna iigongi aantu mbaka oha ya kala ye li komapepe gehangano okuza komalweendo gawo omulalo osho wo iipalutha.

“Onkene out li twa ningi etokolo opo uukomitiye wumwe wuvolonganithwe nuukwawo opo ashike ta tu yululula komupaya,” Johannes ta tsikileko.

Uudhano mboka wiinanono iile ina wu gumwa unene oshoka owuna aakwashilipaleki oyendji ngaashi Old Mutual, ngoka uudhano we wuna iiluku yi li ine moka oshiluku shotango ha shi dhanenwa kOshakati, oshitiyali okomunkulofuta, oshititatu okoKeetmanshop, nosha hugunina omoVeduka.

Johannes oku uvite kutya uudhano mbuka wiinano iile owu li wa silwa nawa oshimpwiyu ashike wulwe mboka ha wu dhanenwa meni lyokapale ota wu nana nondatu.

“Otwa kala tuna uudhano owundji wo Ateletika ngaashi Frankie Feredricks Inivitation, Coca Cola Championship , Sam Nujoma osho tu ashike ngashiingeyi ota tu nana nondatu oku mona omawudhano oshoka uudhano ndazi nokutumbula ka wu po we,” Johannes tati.

Okwa ti omvula ndjika oshikwiila shoka ya li ha ya mono kehangano lyo MTC ina ye shi mona, na oye li ya ligamena ku MTC ngoka he ya tulilemo shito opo ya tale ngele ota kuzi ekwatho