New Era Newspaper

Tafel3
Icon Collap
...
Home / Ye li 15 ya si omeya nuumvo mOmusati

Ye li 15 ya si omeya nuumvo mOmusati

2021-04-16  Victoria Kaapanda

Ye li 15 ya si omeya nuumvo mOmusati
Top of a Page

Aantu ye vule 15 oya si omeya nuumvo, moshitopolwa shaMusati. 

Omukuluntu gwopolisi moshitopolwa shaMusati Titus Shikongo okwa kumagidha aakalimo yomOmusati opo kaaya taaguluke omeya omanga ye li kohi yondhungo.

“Omaso gaantu momeya, unene aanona oga ningi ogendji moshitopolwa muka, onkene otandi indile aakuluntu ya kale mesiloshimpwiyu lyaanona unene mboka aasona,” ta kumagidha.

Oomwenyo odhindji odha kanene momeya okuza omimvo dha piti, omolwaakalimo inaya hala oku uva ko omakumagidho taya londodhwa nago.

“Aantu inaya taaguluka we omeya ye li oyo ayeke, omanga ye li kohi yiikolitha. Aanona yomimvo  dhi li pokati naya  longwe uupyakadhi wokudhanena omeya,” ta ti ngaaka.

Shikongo okwa popi ngaaka konima opolisi ya lopotelwa aantu taya si omeya omanga taya zi kuundingosho naanona itaaya thigwa mesiloshimpwiyu.

Maria Nikanor omukalimo gwomOnesi okwa ti, aakalimo yokuuninginino oya pumbwa eputuko.

“Iiningwanima oyindji otayi holoka moshitopolwa shetu shaMusati, moka mu na aantu taya dhipagathana, taya ikutha oomwenyo oshowo taya si omeya, nomwaalu ogu uka pombanda omvula kehe,” ta popi ngaaka.

Nikanor ngoka a li omulongisikola nale noku li moshipundi shevululuko okwa ti, aakalimo yomoshitopolwa shaMusati oya simaneka omangandja unene, nesiloshimpwiyu komagumbo kali ko.

Ta ti, aakiintu oyendji oya pikwa komalovu, aanona otaya thigwa momagumbo naanona aakwawo, niiningwanima ya fa  mpaka opo hayi holoka.

“Otandi tsu kumwe nepato lyomahala gomanwino kuyele, oshoka pethimbo omalovu ga li ga patwa iiningwanima iiwinayi kakwa li hayi holoka, kokutya omalovu ogo ge na uupyakadhi,” ta popi ngaaka.

Ta gwedha po ta ti, nonando omukithi gwocorona tagu ka hula ko, ootundi dhomahala gomaninwo nadhi tsikile okukondolololwa oshowo okangendjo kuusiku naka tsikile opo iimbuluma yi shonopale.


2021-04-16  Victoria Kaapanda

Share on social media
Bottom of a page