Nonande onghalamwenyo ya djuupala ngeenge tashi ya koshimaliwa, omunafikola teli hongele ouinginia koshiputudilo shopombada shoNust, ota longo a tula ombuda moshixwa, ta longifa oshitalendi shaye opo e li futile elihongo laye.
Omunamido 24 Matheus Endjila oku na oshitalendi shokufaneka osho a tameka nasho fimbo a li okaana kanini.
Ta ti eshi ta kulu, okwa shiiva oku longifa omakwatafano okomomalungula, ko oko eli hongela shihapu.
Eshi a mona kutya okwa pyokoka, omulumenhu ou okwa lundululila nee ostalendi shaye mongeshefa yokufena oipala yovanhu.
Ta ti eshi a mona teshi endifa nawa okwe ke li shangifa ouindjiniya woGeometry oo unasha unene nokufaneka koshiputudilo.
“Ame meme i halongo, ashike yee noundenge vange vavali ohava xupu ashike mongeshefa yange yokufaneka shaashi aame shiveli shomeumbo, kape na ou ta vatele. Ongeshefa yange natango oyo ohai vatelenge oku lifutila onduda yange yokudja moWindhoek oshoyo okulanda eemhumbwe dange adishe, kakele ashike kofuto yofikola,” Endjila ta hokolola.
Okwa ti oku faneka natango ohaku patulula omadiladilo shapitilila oshoyo oku diladila ta endelele mofikola shaashi vati eifano laye eli te li hongele olafa ashike paife nalo oshitalendi shaye.
Endjila okwa twikila yoo kutya nonande oku faneka hakumu kufa moluhepo okwati natango okuna yoo omawii onhumba. Okwati oku fenaka ohaku kufapo efimbo laye lihapu omo mwakwatelwa nefimbo lokulesha, no heli haluka talongo noudjuu oku wanifapo oilonga yaye yofikola.
“Ngeenge ndati ohandi lesha fimbo limwe eecustomer dange ohadi kala vali tadi nyenyeta eshi ina ndimana oilonga yado pefimbo, voo vamwe ta veli teeka. Efimbo limwe ohandi taalele omashongo ngaashi omunhu atuminange efano ndi mufaneke, ashike oto hange te li shunifako shaashi vati ka liwa ile halo apula,” Endjila ta hokolola. Onda hala okutwa ovanyasha vakwetu omukumo ava vena oitalendi ili momake veitule moilinga shaashi otai dulu oku vakufa koxulo yehonga.
Okwa twikila yoo kutya okwa hala okutwa omukumo ava vena oitalendi yavo tave ilongifa vatwikile. “Nonande ongaho ina mu li ningililamo unene koitalendi yeni, nyee mudimbwe omaifano eni aa emukufa komaumbo.
Okwati otadulu oku hangika ko0813759269
taimihaihambo2000@gmail.com