Epangelo laAmerica ola yambidida ouministeli wouhaku eshi la yandja eembete di li 200 kouministeli wouhaku Etine di li pongushu yoshimaliwa sheemiliona N$9,7.
Eembete oda yandjwa nelalakano okukandula po omukundu weembete inadi wanena moipangelo u kale wa kandulwa po.
Moshipopiwa shaye pefimbo ta tambula ko eembete minista youhaku nonghalonawa Dr Kalumbi Shangula okwa ti okwa pandula unene epangelo laAmerica eshi tali twikile nokuyambidida oshikondo shouhaku.
Shangula okwa ti eembete edi ode ya pefimbo liwa shaashi otadi ka yandjanekwa koipangelo aishe moshilongo yepangelo opo ovanaudu va kale va mona omayakulo eembete da wana. Minista okwa ti moshilonga omuna omhumbwe yeembete ina diwana komandiki ouhaku koitukulwa ya yooloka onghee eembete otadi ka yandjwa tete komandi aa e na omhumbwe yeembete.
“Eshi kashishi oshikando shotete epangelo laAmerica tali yambidida oshikondo shouhaku noikwafifo, otwa kala nokumona omakwafo a yooloka okudilila kepangelo laMerica ngaashi oikwafifo yombuto yoCovid-19 yomashina okukwafela ovanhu okufudifa,” Shangula ta ti.
Shangula okwa ti onghalo koipangelo otai kala iwa ngeenge moipangelo muna oikwafifo ya wana okulongifwa kovanaudu ile kovanailonga vouhaku onghee eembete edi ota di eta elunduluko la kula moipangelo.
Minista okwa weda po ta ti nonande omwaalu wovanhu tava kwatwa kombuto yoCovid-19 wa shuna pedu, ovanhu nava twikile oku li ufa komilandu edi da tulwa po dokukelela ombuto. – fhamalwa@nepc.com.na