Opolifi moshitukulwa shaMusati oya kwatwa po ovalumenhu vatatu tava fekelwa kutya ova teya ofitola yoPep Etivali efimbo longula modoolopa yaNandjaba-Okalongo.
Omukonakoni woimbuluma wopolifi moshitukulwa shaMusati omupedu Commissioner Simaho Moses Malakiya okwa ti ovafekelwa vavali ova kwatwa po Etivali efimbo lomutenya va hangika momukunda Okando vena omwaalu woshimaliwa muhapu. Omanga omufekelwa omutitatu okwatwa po Etitatu efimbo longula naye a hangika komunda Okando noshimaliwa shi fike N$59230 nondjebo yombilistoli ei ya nyekwa ovameni vomaliko.
Malakiya okwa hokolola ta ti ovafekelwa veli vanhee ova ponokelwa ofitola yoPep ndele tava kufa mo oipateke yoshimaliwa muna omwaalu woshimaliwa muhapu.
Okwa ti tete ovafekelwa ova tameka tava umbu ovameni vomaliko ava kwa li tava longele efiku olo pofitola, opo pa xulifila omwameni womaliko umwe konima eshi a yashwa kovafekelwa.
Opolifi oya ti konima eshi ovafekelwa va u mba ondjebo ovanyeka ko eendjebo nengodi dopeke edi kwa li dili kovameni vomaliko ndele tava faduka po va u ka momikunda dopomudingonoko waKalongo. Omwameni womaliko opo a xulifila ponhele opo konima eshi a yashwa, nokwatongololwa oye Henok Eduward womido 55 a dile kodoolopa yaNdangwa.
Olutu la Eduward ola twala kokila yopolifi yaKahao, novakwapata vaye ova shiivifilwa efyo laye. Malakiya okwa ti otava indile moshiwana kwau e na ouyelele a pa pena omufekelwa omutine shaashi fiyo paife ina monika natango.
Okwa ti omakonakono opolifi ota twikile natango, onghee oshiwana otashi ka shiivifilwa efiku ovafekelwa tava ka holoka momangu ngeenge omakonakono a pu.
– fhamalwa@nepc.com.na