Ohole yomudali: A xulifa eshi ta kendabala okuxupifa okamona momeva

Ohole yomudali: A xulifa eshi ta kendabala okuxupifa okamona momeva

Auleria Wakudumo  

Omukainhu weedula 31 pamwe nokamona keedula 13 ova xulifa eshi va wila metale momukunda Onangubu moshitukulwa shaHangwena. 

Oshiningwanima osha ningilwa momukunda Onangubu moshitukulwa shaHangwena, sha ningwa Osoondaxa lwopo 17h00. 

Omukulunhu koshikondo shokukonakona oimbuluma moshitopolwa shaHangwena Omupedukomufala Melanie Mburuu okwa koleka oshiningwanima eshi.

Mburuu okwa holola ta ti oonakufya, ovakalimo vomomukunda Efululula, ova li va ka kosha oikutu yavo petale lopomukunda Onangubu popepi navo. 

“Okaana oka li ka ka teka omeva ndele ta ka wile mo. Ina okwa kendabala okunana mo omona ashike naye okwa ya omufenhu ndele ta wile mo. 

Otaku hokololwa kutya omalutu avo e ya vati okukufwa mo kovayowi vopolifi okudja koshitukulwa shaShana nOhangwena.

Kansela woshikandjohololo shEndola Ferdinand Shifidi okwa kunghilila ovakwashiwana vaha teke momatale ehe na outekelo unene pefimbo eli shihenga shanangobe tai tilile omata pedu. 

“Nande odula twe i pumbwa ngaho shili, otu na okukala twa kotoka ngeenge hatu longifa omeva. Natu likaleke kokule neenhele odo da fulwa omadu ashike inadi longifwa nale okuteka omeva. Eenhele dimwe odi na omufenu, osho sha nyika oshiponga,” Kansela ta ti.  

Shifidi okwa kunghilila yo ovadali opo va kotokele ounona ovo hava danene omeva pefimbo lodula. 

– wakudumoauleria@gmail.com