I Mathias Haufiku
OTJOMUISE- Ovira ovipirure veno ngeyakeyero ohunga nozomahina ozombe zokutoorora ndumazeungurisiwa momatoororero wo Peresidenda nOndjuwo yOzoveta mu Tjikukutu.
Tjiva viovira ovipirure mavitja ozomahina zokutoorora inÿa kazesere okuungurisiwa mena rokutja kazeyarorua mo Namibia nu ovatoorore kaveyahongua zo ngunda viarue amaviyandja ondunge ndjimaitja ozo zasere okuungurisiwa pamue nouvapira wokutoorora. Omatoorore wozomahina, E-voting, embo ndiungurisiwa komiano omingi peke peke viokutoorora mumuna omatoororero nozomahina, okutizira omaraka inga mepukiro nokuyevara nomahina. Mehungi Omandaha ovira tjiva viatjemene nondando yOtjirata tja Namibia Tjomatoorore, o Electoral Commission of Namibia poo ousupi o ECN, okuuta nomuano omupe imbui wokutoorora ngunda vairue aavitja omuano omupe marire okatari komatoororero omasopoke ndoovazu ouøa oimba nambena muatarewa.
™Ovandu kaveyahongua nu munao mapeya avehayenene okuungurisa omunao omupe. Ndoovazu o ECN yaninikizire omuano imbui kovandu okutja omiano aviyevari ngaviungurisiwe pamue,∫ Operesidenda yo Swanu, Usutuaije Maamberua matja. Mavanga kutja omatoororero nomahina na nouvapira yeungiriwe pamue kutja peyandjere otjira tje okuyendekera ozohaviho ndumapeya azekarapo. Wina Maamberua wari aa umanisiwa iyokutja ozohaviho tjiva ndaraisiwa iyotjiuru tjombanguriro yokombandambanda, Peter Shivute moveta yomatoororero eye tjayandja oumune we motjiposa tjomatoorore wo 2009 ngunda kazeyanrundururua.
Omutjangerepo Omunene wOtjira otjipirure kotjiveta o Rally for Democracy and Progress (RDP), Mike Kavekotora, matja o RDP maikara nongonÿononeno ongoto ohunga nomaunguriro wozomahina inÿa notjo matjiitavere komaungurisirowazo uriri indu o ECN tjiyaraisa kutja ozokazena okutihurua. ™O ECN maiso okutupa ondjivisiro yarue yozomahina inÿa nokutja onguaye ozo tjizaungurirua o Namibia uriri. Omahi omengi ngeritupuka kayeungurisa ozomahina inÿa nu tjiva wawo ngaayezeungurisa kayetjizeungurisa rukuao- imbi ooviøa avihe eÞe mbimatutaramo mongonÿononeno yetu,Kavekotora matja. Wina unondira kutja ovatoorero okuhina omahongero marire omatokero omanene mena rokutja ovengi vovatoorore kavena omorongerisiro vetjiyapewa kutja vasere okuungurisa oamhina indji vi. ™Hinakumuna kutja oruveze nduasewako ruayenene okuhonga ovatoorore,∫ matja.
Operesidenda yo DTA, McHenry Venaaøi, tjigetjo unongendo nu mamunu kutja ozomahina inda ngamba nganda azarandua kaeyarorua naweza ko kutja o ECN ngamba kaiyeya poruhaera nondjivisiro kutja omatoorore ayehe inga mayeunguruavi. ™Omahi ngeungurisa omuano imbui tjimuna o India yewuuta okapaze konguti tjiyauta okuwuungurisa….kangamua akuhe pakambura ozombura okuza komuano umue okurundurukira kuwarue. Otja kueÞe nandarire okurora inÿozomahina inÿa katuyezorora nandarire momatoororero omatjoziwa okumuna kutja mazeunguravi,∫ Venaaøi matja. Wina unongendo nomahongero wovatoorore. ™Mbinongendo mena rokutja turi mu Kambundu rukuru nai, oruveze nduasewako okuhonga ovandu marurire orusupi,∫ matja.
Nandarire kutja o Nudo ohapo iyandja omasa komaungurisiro wozomahina inÿa, maitja o ECN maiso okukara nozomahina zarue ndayenene ndoovazu pakara oupotapote natjiva zao. ™Omuano wozomahina maiso okutuwa momaunguriro mena rokutja kanaa tuso okuyaruka kouvapira mbutukara atutjema nawo nomasa,∫ Omutjanegerepo wOkehi wo Nudo, VeÞaruhe Kanÿorozu matja. Majandja ondunge yokutja o ECN maiso okuyandja omahina imue korukondua aruhe kotjira atjihe tjitjeritjangisa kutja ovira vio porotika vivatere o ECN nomahongero wovatoorore.