Khuta yenyinyani ya Rundu nelukuluzi baana bababeli, ili bayahi banaha Namibia kuli balibelele taba yabona kwande atolongo, kasamulaho akutamiwa bamano fumanwa ni matalo amane amboma ni macwe abutokwa amabeli. 

Teko ya zene fumanwi haisika zibwa kale. Jesay Johannes Kasera walilimo zemashumi amabeli kazelobañwi (29), ni Mathews Nkomba Kabeto walilimo zemashumi amalalu kazesilezi (36), neba bonahezi fapila muatuli mwa khuta yenyinyani ya Rundu Hellen Olaiya, kamulatu wakuloba mulao obukeleza lifolofolo hala kufumanwa ni matalo amezi ambomba. 

Nebatamilwe kimapokola mwakomponi ya Kehemu mwa Rundu, Lasabata musihali viki yefelile. 

Taba yabona neisizwe la 6 Sikulu kulumelela lipatisiso za sipokola kuli lizwelepili.