Festus Hamalwa
Okaana keedula 11 oka kwatwa onghonga kovalumenhu vavali efimbo lokonguloshi potundi 20h00 koMaltahohe moshiukulwa shaHardap eshi omafiku a li 31 Desemba 2021 ashike opolifi opo ya lopotelwa Etine loshivike sha dja ko neudo.
Omupopiliko wopolifi moshitukulwa Hardap Linea Heita okwa hokolola ta ti omudo wa dja ko muDesemba okaana okwa li taka findikilwa kuvakwao ondjilakati eshi kwa li taka yi koshivilodalo shamumwaina.
Opolifi oya ti eshi okaana ke li mondjila oka nukilwa kovafekelwa vavali ndele tave ka twalwa keumbo lakaume kavo fiyo ta ka longelwa oilonga youshada yopaixulo.
Opolifi oya hokolola tai tu xe yokaana okwe shi mona mo kutya okaana kaye oka kwatwa onghonga omudo wa dja ko eshi okaana ka lombwela xe momafiku 24 omwedi ou kombinga yoshikumungu shetwanghonga.
Ovafekelwa inava kwatwa po shaashi ina a shivika natango nomakonakono opolifi otaa twikile.
Opolifi oya kunghilila oshiwana opo shi kale tashi lopotele opolifi pefimbo oimbofa yomakwatwanghonga shaashi eshi otashi kwafele opolifi opo i dule okuninga omakonakono noupu.
Opolifi oya weda po tai ti ovadali opo va kale tava tonatele ounona vavo shaashi okwa didilikwa ounona voukadona va ninga oihakanwa yokukwatwa onghonga kovalumenhu.
– fhamalwa@nepc.com.na