Auleria Wakudumo 

Rossing foundation kazigeve uhwi wokusika koyimaliwa N$554 000 konosure mbali mono mukunda horowere Omusati ntani Kunene.

 Uhwi ou vagava kupitira melikwamo lyawo ava tumbura asi Rossing Learning Enhanced Learning Access (Lela) projeka ezi zina kara asi kuna kumoneka nawa, kuna kugazara ngesi kukafutir varongwa yimaliwa yokosure, omu navarandera hena vanona yihepwa yokosure, mudwaro gosure, yokuruganesa moyikasayise, yimaliwa yokufuta kouhaku ntani yomararo govanona ntani vanona nye ntazimwe vakara asi woruhepo. Nakayale Private Academy moOmusati, pwakara mararo ntani kuronga vanona avatundilire kovakurona woruhepo ntani nonsigwe kazigwene yimaliwa yokusika ko N$500 000 youhwi kavageve. Ombyarundu primary school moKunene kazigwene nombapira domuvaru ntani dounsitwe paunkurungu, ntani yimwe yokurongesa noyipundi ntani yitafura yomulyo gokusika ko N$54 560. Uhwi ou kavaugeve konosure kutundilira koRossing liaison ntani mugendesi ogu agendesa ekuliko monkarapamwe, Maria Immanuel. 

Age katente asi sinzi sovanona posure zaMbyarundu kuna kara asi kutunda komambo govakurona aga gakara asi kwavaninkiliramo makura awo ngesi kuna kuomona nye udigu wounene mokutuma vana vawo vagwane erongo lyewa. Age katente asi uhwi ou vana gwana hawe nauninkisa vana vawo vavaronge nawa yirongwa yomuvaru ntani younsitwe omu varongwa navakara asi erongo kuna kuwapa nawa nawa. ‘’ Ose kwayihuguvara nawa nawa asi nkenye munona kuna pumbwa kugwana erongo lyewa, pwahana kutara asi ntundiliro zendi ngapi ntani ngapi omu ana kuparuka ngesi, yimo ana kutanta Immanuel.

 Age kayitente asi Rossing Foundation, kupitira mo Lela flagship Project, kuna lituramo unene omu navaretesapo marunduruko monomukunda dakara ponze zonodoropa unene ava vakara asi ntundiliro kwava vatunda nye momambo goruhepo ntani ekoro lyawo nawo woruhepo.