Vantu vavali kavadogorokere mokukwama ehudi lyomahina zorutenda ehudi eli kalihorokere pepi naNaute ngurangura zosondaha. Rutenda oru aruganesa Rovos Rail, karuzumbanene korugodi rwazo ponovil  05h00.

Ehudi eli kalihorokere pepi naNaute, konyara 100km kutunda moKeetmanshoop. Trans Namib mukurona gwazo pamberewa Desmond Van Jaarsveld kankondopekere ehudi lyangesi nokutanta asi mbunga zakarerapo mahudi nare vanazitumu nokukasika zina kasika nare pevango opo lina horokere ehudi. ‘’ Elikwamo lyetu kwakara asi pomuhowo epopero ntani kukunga nye varugani ntani varondi vetu yimo ana kutanta.’’ Van Jaarsveld kageve mbudi zendi zoruguwo kovanekero vana kufa. ‘’ Nomutjima detu kuna kuguva none, mbudi ezi kuna kuza unene kovanekoro novahali vakwawo zana kufa, ntani kwavamwe hena ava vana zumbanesa nomwenyo dawo. Ose simpe kunasikama kumwe nava yina gumu unene eyi, posiruwo esi sosidigu ngesi.

Makona kono aga nye gana kutara asi yinke kayininkisire ehina eli litunde korutenda rwazo. transNamib katente asi awo kuna kurugana nonkondo nomukumo, nokutanta asi uzera kuhamena ehudi eli, navautura poruzera apa nye nava mana nomakonakono kuhamena ehudi eli. -newsroom@nepc.com.na