Auleria Wakudumo
Ongudu yovakainhu novalumenhu veli 26, vadja momukunda Andjambambali moshitukulwa shaShikoto, ova ana moipafi yovapolifi novakwashiwana opo va ninge oilyo yongudu tai lwifa oimbuluma moshiwana yoWomen and Men Network.
Omukulunhu wopolifi moshitopolwa, Komufala Teopolina Kalompo-Nashikaku, okwa ti ovakulukadi novasamane ova ninga oilyo yelyenge tali kondjifa oimbuluma, momudingonoko waAndjambambali, tava longele kumwe noshitaasi shopolifi kOnembenge, oshikandjohoololo Omuthiya.
“Otwe li tula mo mokukondjifa oshoyo okuweda ovakufimbinga va yooloka ngaashi shayukifwa kekanghameno etivali lekotamhango laNamibia,” Kalompo-Nashikaku ta ti.
Poshitufi osho tuu eshi, opolifi oya li ya twala omayakulo ayo koshiwana shaAndjambambali.
Omayakulo a yandjwa kopolifi kovakwashiwana vomudingonoko ou ongaashi, okuyandja oidjemo kombinga yolopota yoimbuluma aishe oyo ya lopotwa kovakwashiwana vomomukunda omo, oshoyo omikunda dopopepi, omauyelele aeshe e na sha nokudidilika nokukeelela omahepeko, ekwatonghonga, evako loimuna, oshoyo oiponga yeehauto, ta kwashilipaleke.
Komufala okwa weda po ta ti ovakwashiwana ova li va mona omhito yokupatulula oibofa, okudengifa oihako eekopi domaufemba, okuninga eano lopolifi, naikwao ya wedwa po.
Okwa holola nokufatulula kutya keshe konima yexulilo shivike oshitivali, opolifi oha i kala ina oshoongalele shokuyandja omauyelele, omo opolifi ha i twala omayakulo oyo komikunda nokeenhele odo dili kokule noitaasi yopolifi.