Abraham Mwanyekange

Omaimbilo opamhepo okwa talika ko kovakelefiti vahapu ongeandjakaneko levaangeli osho yo ongopela yokuvelula nokuhunga ovanhu omwenyo. 

Kapyoko komaimbilo opamhepo Mwaetako Vilho nedina la shivika nawa Brother Vilho, noku li odalele yokomukunda Omashekediva naye okwe shi  koleka. “Paife ondapitifa eealbuma nhatu okudja momudo 2016 ndele adishe odi na ashike etumwalaka unene la kwata kwaasho tashi linyenge mounyuni unene mefiku lonena,” ta ti. 

Okwa ti oalbuma yaye yotete oyo a  pitifa manga eli kosekundofikola yaNehale  momudo 2016 ota i ufanwa nedina ‘Rotto Djamo muSodom na Gomolah’  noshitya shimwe ta ti ota i  londwele ou e li moulunde opo e u fiye po, omanga oalbum onhivali oyo ‘Tupopila Jesus tuha ka ninge oikuni yoheli noalbum onhinatu oyo opo ya piti neudo otayu ufanwa nedina   ‘Adam a eta oshiponga’,  ta ti otai popi efimbo lanakanena unene oshiwana tashi dipayafana, ondubo, omaliko, oupule osho yo ominyonena dopaukashikekoookanhu. 

Okwa weda ko ta ti omu na yo elondwelo osho yo ehololo tali ulike edidiliko lehandu laKalunga unene kwaavo tava longo oihayotwa. 

Vilho okwa ti okuhole unene omaudifo okupitila momaimbilohambelelo opamhepo molwa ta ti omu na oshili osho hashi hafifa omwenyo waye, okulihekeleka nokungungumaneka omadiladilo aye. 

Vilho okwa ti oye mwene a nduluka nokuteleka oalbuma yaye yo2026 okupitila mombiya yaye yo 2 A ction moWalvis Bay.

Omaimbilo a Vilho otaahangika komapandja okomalungula oko e li ko nedina Vilho01 okoTickTock omanga koYouTube oku li ko Vilho Scopy.

-abbenghilai@gmail.com