ONGWEDIVA – Immanuel Uugwanga a yambukile momukunda Onamukulo mOhangwena ota ti okwa kwatwa komadhilaadhilo omawinayi sho a ningilwa omiyonena kuhekulu. Ta pula kutya, otaya uka peni naamwiiyina oshowo aamwayinagona ya thigwa megumbo kuyinakulu ngoka a si ko nale. “Ondi uvite uudhigu nda tungila memegona ongulu, ihe ongulu ndjoka oya kumunwa po oshoka aniwa itandi vulu...
Aanamibia ye na omagumbo moshishiindalongo Angola oy eli muupyakadhi okutaaguluka oongamba uuna ya pumbwa omakwatho goompumbwe dhi ili nodhii ili moshilongo shawo. Ndhoka okwa li dha etwa puuyelele kaanilonga yetanga lyopolisi taya longele poongamba, esiku okakomitiye kookansela ka li ka ka talelepo oongamba dhaNamibia naAngola moshitopolwa shaMusati. Taya ti, Aanamibia mboka kwa li ya tungu...
ONGWEDIVA – Aaniilonga yomahangano agehe taga longele koongamba dhaNamibia naAngola, oya popi omawupyakadhi ga ningi ethimbo taga nkundipaleke iilonga yawo nuunene ethimbo ndika lyoCovid-19, sho ya li ya ningilwa omapekaapeko kokakomitiye komutumba gwokaansela okuza komutumba gwopashigwana moshitopolwa shaMusati. Oongamba odha kalelwa po kiikando ya yooloka, etanga lyopolisi, oshikondo shokukondolola kehe sho tashi zi nenge tashi...
Bamako – Aaleli yiilongo yontumba yomuuninginino waAfrica oya li ya gongala moBamako mEtine sho taku ningwa ishewe oonkambadhala oompe okuhulitha po onkalo yopolitika ndjoka tayi tengaatenga moMali. Momutumba gwi ikalekelwa gwesiku limwe, aapresidente yaSenegal, Ivory Coast, Nigeria naNiger oya li ya ningi iilage napresidente gwaMali Ibrahim Boubacar Keita osho wo naaleli yoongundu ndhoka tadhi ningi...
Konyala aantu oobiliona ndatu muuyuni mboka ye li moluhepo lwamatutu naya pewa iiyemo yopakathimbo opo ku kwathelwe okukeelela etaandelo lyomukithi gwocoronavirus, osho ehangano limwe lyIigwanahanano lya ti ngaaka. Sho omwaalu gwaantu mboka ya kwatwa tagu ende tagu londo noonkondo miilongo opo tayi putuka, opwa pumbwa omikalo dhokugamena aantu mboka ye li moshiponga meendelelo, osho olopota...
WALVIS BAY – Osheendo shaanenentu sha kwatela mo oominista dhopevi oshi li moshitopolwa shErongo uule womasiku gatano opo shi mone uuyelele wothaathaa kombinga yomukithi gwoCovid-19 moshitopolwa. Osheendo osha kwatela mo aapeviminista okuza kuuministeli womayambulepo goondool opa osho wo iitopolwa yokuushayi, wiilonga, omakwatathano giilonga netotepo lyoompito dhiilonga, elongo, wiikwameni, wegameno osho wo wuuhaku. Osipana ndjika ya...
Amushangandjayi gwehangano lyoombetsa nootaksi lyoNamibia Bus and Taxi Association (Nabta) Pendapala Nakathingo, ngoka a taalela iipotha yokulonga paulingilingi okwa tegelelwa a ka holoke mompangulilo yaMangestalata moWindhoek momasiku 15 Febuluali 2021. Ohela, Nakathingo okwa li a holoka ishewe mompangu oyo tuu ndjoka shi na sha noshipotha shoka, nosha li shu undulilwa komeho. Okwa li a holoka...
ONAMBANGO – Aanona yaali oya li ya sile moshiponga shomulilo mOnambango moshitopolwa shaShikoto mEtitatu. Oshiponga shika osha li sha holoka konima ashike yokathimbo sho yina yaanona mbaka a li a zi megumbo a fala ongodhi ye kotyaatyela pomukunda gopuushiinda. Nakuvala, Aina Erastus okwa ti omulilo ogwa li gwa tukuka sho aanona ya li taya dhana...
OMUTHIYA – Osikola yopaumwene moKatima Mulilo oya kaleka manga elongo lyoshipala noshipala sha landula sho gumwe gwomaalongwa yondondo onti-3 a lopotwa kutya okwa li mekwatathano nomuniilonga guuhaku ngoka a monika omukithi gwocoronavirus. Momushangwapitithi ngoka gwa li gwa gandjwa mOmaandaha kosikola yedhina Mavuluma Adventist Primary Private School, gwa pitithwa komukuluntusikola George Nchindo, ogwa li gwa tseyithile...
ONGWEIVA – David Nghiwilepo gwomomukunda Iikango mOngwediva ota nyenyeta kutya ehangano lyomalusheno Nored itali gwanithapo iilonga yalyo ngaashi lya gana. “Ondi na oopala dhomalusheno oshowo iikwamashina yomalusheno ya ninga oomwedhi dha pita pundatu dha tentekwa megumbo lyandje kaanilonga yaNored. Ondi na uumbanda kutya ngele iinima mbyoka oya ka yonagulwa kaafuthi omanga yi li megumbo lyandje...