Elelo lyopamuthigululwakalo lyOngandjera olya holola euvonaiy sho ethano lyoku ulika mpoka pe na iilambo yokufula omavi lya hanagulwa po kuwalye.
Ethano ndyoka lya li lya thikamekwa momukunda Omuthitu, inali ninga po nomwedhi gumwe.
Omupopiliko gwelelo lyopamuthigululwakalo Shiimi Shangula okwa ti, oya hulile muunyengwi okudhiladhila etompelo lyehanagule po lye palakata ndyoka.
“Epalakata kakwa li lya tulilwa po uuntsa, ihe oompango dha landulwa okuza kuuministeli womindhingoloko, kutya pehala mpoka hapu kuthwa omavi ope na okukala pe na epalakata tali ulike,” ta fatulula ngaaka.
Shangula okwa ti, ngele mboka ya yonagula ethano ndyoka oya li ye na elalakano lyimwe nenge lyoku li kutha po alihe, oya huulile muunyengwi oshoka olya tungilwa mo mevi.
Ta nyenyeta kutya omukalo gu li ngaaka kagu li mondjila nando, oku eta po oshinima shi li ngaaka osha pula oshimaliwa oshowo oonkondo dhaantu tashi hanagulwa po ashike ngaaka, pwaa na etompelo lyasha.
Ta indile moshigwana kutya kehe ngoka e na uuyelele kombinga yaantu taya longo iilonga yi li ngaaka, naye shi lopote kumwene gwomukunda Omuthitu, opo uupyakadhi mboka wu hulithwe po.
– vkaapanda@nepc.com.na