Auleria Wakudumo
Okamati keedula 17 oka xulifa mOsoondaxa, sha dja eshi vati ka lya osopa ponhele ihe shivike mOndangwa Olomakaya loshivike sha ya.
Konima yokulya osopa vati okwa tameka ta ehama meengolo nokonima okwa hovela okukunga osho yo okudja ohonde komayulu.
Okwa twalwa vati koshipangelo shepangelo kOnandjokwe lwopo 22h17 a ka mone ouhaku wopaunamiti ashike okwa xulifa Osoondaxa, efiku la landula ko.
Nakufya okwa tongololwa oye Sheetheni Imene omukalimo womomukunda Omakulukuma.
Oshiningwanima osha kolekwa kukomufala wopolifi moshitukulwa shaShikoto Commissioner Teopolina Kalompo-Nashikaku.
Nashikaku okwa holola ta ti ovadali vaImene ova pula oshipangelo shi konakone kutya omona okwa xulifa koshike eshi va shiiva kutya okwa lya osopa efiku olo tuu olo nopolifi oya teelela omanyamukulo.