Abraham Mwanyekange 

Oshikandjolongo shOhangwena nEndola oya umba ko olufo layo ledingonoko etine lomaudano okutondoka moshitopolwa Ohangwena etitatu loshivike eshi. Edingonoko etine ola ningilwa pokapale komaudano kOshakati Independence. 

Omupedunashipundi wo Namibia Schools Sports Union (NSSU) mOhangwena okwa lombwelaKundanatatiovanafikola ve li koshi yeedula 19 va koya 150 ova kufa ombinga momaudano a yooloka. Kashango okwa ti ova mona mo ovo ve shi endifa nawa momaudano aeshe. Okwa ti omaudano opaikandjolongo aeshe okwa teelelika a kale a pwa momwedi Febuluali. “MuMarsa oikandjolongo oikandjolongo aishe otai ka eta ovo ve shi endifa nawa komadingonoko avo opo tu tale ovo tava ka denga mo vakwao opo va mone omhito yokukalela po oshitopolwa shetu koudano wopashilongo oo tau ka kala ko neudo koSwakopmund muApiilili,” Kashango ta ti. Kashango okwa ti omaudano otaa pula komesho nawa nande pe na omashongo ahapu va taalela efimbo lomaudano. 

“Ohandi indile kovakulunhuf ikola unene veesekundofikola va kufe ko omaudano o-NSSU kutya okwa fimana neenghono molwaashi okwa etwa po onhomenawina komulandu welongo laNamibia nelalakano lokuyambula po oitalendi yovanafikola,” ta ti. Kashango odo okwe di popya molwaashi vati ope na ovakukunhu vamwe mOhangwena hava anyene ovanafikola va ka kufe ombinga komaudano o-NSSU, ta weda ko ta ti osho otashi tulifa oitopolwa osho yo oshilongo pedu ngeenge tashi ya komaudano. Kashango okwa ti eshongo limwe oshimaliwa sha-NSSU osho a ti ihashi fiki pefimbo nohashi eta nee ekwato lomoshipala omalongekido avo. Nonande va taalela omashongo, Kashango okwa ti eedula nhano da ka pita oshitopolwa osha dja ovatondokidingi va kalela po oshilongo pondje, ta tumbula ngaashi Ephania Johannes, Shikongo Saara, naJonas Joseph. Kashango okwa ti okakadona Jacobin Pires 13 oko ka li ta ka dana onghandangala. Pires paife oye dingi moshinano 1.5km moshilongo ashishe konima eshi onghela a tondoka ominute nhano neesekonde nhano, ou kwa li dingi nale okwa li a lotoka ominute nhano neesekonde 18,” ta ti. Pires oha fikola kofikola yopedu Ohakonda koshikandjolongo Ohangwena. 

-abbenghilai@gmail.com