Petrus Shaningilwe, oo ashiivika nawa onga P.Moment okwa ti ohole yaye yetanga okwa dja nayo manga ali meendodo dopedu ndele tai nayo fiyo omeifano laye louhongi fikola.
Okwa ti mokuputuka kwa ye okwa kala hakufa ombinga moudano wetanga, keshe mofikola a enda, fiyo oko shiputudilo shaUnam.
“Eshi ndaya koUnama, onda katameka nokuli handi kufa ombinga motima yo Rio Juniors FC,” ta ti.
Okwa twikila kutya nonande efimbo ola li lapumba kuye omolwa oilongwa ei ali teli hongele ko Unam, alushe ohafi oshisho kutya etanga okwe li monena efimbo, opo adule oku fudifapo ouluvi waye komambo.
Shaningilwe oo eli omuhongi fikola mosekundo fikola yaEngedjo okwa ti etanga ka lali ashike omadeu kuye, ndele olemuhonga omikalo, oshoyo outeku duliko ngeenge eli mokati kovanhu.
Mopaife ngaha oku li omuwiliki nomukwateli komesho wetanga lovanafikola akula mofikola yavo mEengedjo.
“ Ohandi yandje omadeu kuvo alushe, nghee vena oku li humbata mokapale oshoyo oku li humbatela ovadani tanga vakwao,” ta ti.
Okwa ti etango oha li yandje efudo loilonga yofikola komauluvi ovanafikola, omikalo oshoyo oinakuwanifa meenghalamwenyo davo.
Shaningilwe okwa yelifa kutya, vamwe vomo vanafikola vaye ava adeula, oveli tava danene eetima dakula paife.
Yeemwene naye vati iha deula ashike etanga, ashike oha danene yoo otima yo Endola Circuit Teachers , oyo hai kufa ombinga mo league ya Hangwena.
Okwa ti natango oha kala yoo eudite etumba lakula eshi ovanafikola vaye have li pake yoo moilonga yavo yofikola.