Okamatyona keedula 12 oka xulifa eshi ke likufa omwenyo shaashi vati ka lombwelwa kuina ke ke likoshe.

Oshiningwanima osha ningwa kolukanda Ombili modoolopa Otjiwarongo Omaandaxa efimbo loufiku.

Nakufya okwa tongololwa oye Shikudule omukalimo womOtjiwarongo.

Omupopiliko wopolifi koshitukulwa shaTjozondjupa, Senior Inspector Maureen Mbeha okwa hokolola ta ti olutu laShikudule ole lituwa kuina mokalikoshelo omo e limangelekela nomwiya.

Opolifi oya hokolola tai ti efiku olo okamatyona oko oka lombwelwa ashike kuina kutya nake ke likoshe shaashi okwa li kwa toka. Vati Shikudule kakwa li ta ulike  omadidiliko okulimangeleka shaashi eshi a lombwelwa kakwa li a handuka.

Otaku hokololwa kutya ina yaShikudule okwa didilika omona a kala mo efimbo lile   mokalikoshelo.

Ina vati okwe mu ifana lwoikando ya yooloka ashike ita nyamukula osho sha ka eta opo ovaneumbo va teye po omuvelo wokalikoshelo.

Shikudule okwa li e li mondodo onhi-7 kofikola Aibes Primary School.

Okwa didilikwa ounona ve li koshi yeedula 18 va ninga oihakanwa yokulimangeleka unene tuu ngeenge va tanguninwa.

Opolifi oya kumaida ovadali  opo va popya nounona vavo ngeenge ve wete kutya ova handuka konima va tangunimwa.

-fhamalwa@nepc.com.na