Omeriyapuriro nomeriporinḓiro otja kombazu oomaundjiro woveni vomuvanda pomayamberero wa Tjipaue Osondaha ndi. 

Ngeri omayamberero oyetja 43 yonganda ya Mureti. Mokukengeza kutja tjapo ovandu ngaave katendasana nomambo ndji munikwa ayo ondjarira ongaro Omayuva nga noruveze rwanambano kutja opomayamberero poo oponḓiro ovandu pu va uta okuhembasana nokuteturarasana nu mu nao ave zerurura otuveze otuzere twao tjimuna ozongungungu zovakuru novaṱi vawo. 

Mu nao ozondekurona zonganda ya Mureti, kehi yaumwe wawo, Ondangere Ngeke Katjangua, otji ma kuu kovimbumba avihe okukeriṱizira pokuyambera uriri. Oyo ngeri otjiṋa tjo tji mave zeri kutja ootji ma tji kaungurua pOtjipaue omayuva womasuviro nga. Erero ndari Oritjaine ozondangere otji ze rituturire kOmurambauandjou puza rarere kutja ndino ndi ze tjirwe amaze yakisa ezuko nokurihepura kovakuru novaṱi na wina okuvetjivisa kutja epaha ra Tjiute mari ya mari yekuvekwenena omayuva womsuviro nga nave ha kumwa kutja eṱunḓu nomuvanda nopoṋa puve nangarasi veekusuva nambano pa ingi tjike? 

Osondaha otja kombazu ovimbumba otji mavi kayata pozongungu. Ombara Kaupangua wa Mureti okuza kOkaoko momakuruhungi wovita vyOvaherero ku nOvakwena u tjiukirwa kokuyandja ohauzeu kutja oruveze ndo Ovaherero ve isa ko otjiyoke tjondatumisire nohuurire Ovakwena tji va twiire kombanda yawo.